Mehmed Burhanəddin Əfəndi (I Əbdülməcidin oğlu)

Mehmed Burhanəddin Əfəndi (22 may 1849, İstanbul – 4 noyabr 1876, İstanbul) — 31. Osmanlı sultanı Əbdülməcidin doqquzuncu oğlu, Osmanlı şahzadəsi.

Şahzadə Mehmed Burhanəddin Əfəndi 1849-cu ildə Bəylərbəyi sarayında dünyaya gəldi. Atası Sultan Əbdülməcid, anası isə onun doqquzuncu xanımı Nükət-səza Qadınəfəndi idi. Anasının vəfatından sonra atasının digər xanımı Nevəsər xanımın himayəsində böyümüşdür. Qərb musiqisiylə məşğul olmuş, bəstəkar bir şahzadə idi. Fleyta çalmağı bacarırdı. İlk təhsilinə qardaşları Rəşad Əfəndi, Kəmaləddin Əfəndi, bacısı Bəhicə Sultanla birlikdə 29 iyul 1853-cü ildə Çırağan sarayında başlayan Burhanəddin Əfəndi 9 aprel 1857-ci ildə Dolmabağça sarayında qardaşları Nurəddin Əfəndi, Rəşad Əfəndi və Kəmaləddin Əfəndiylə birlikdə sünnət edildi. Atası vəfat etdiyi zaman 12 yaşında idi. Ögey qardaşı Şahzadə Əbdülhəmid Əfəndinin (II Əbdülhəmid) ən sevimli qardaşı idi. Bu səbəblə taxta çıxdıqdan dərhal sonra qardaşını öz yanına — Dolmabağça sarayına aldırmışdır. Ancaq bir neçə ay sonra Mehmed Burhanəddin Əfəndi vərəmdən vəfat etdi. Məzarı atası Sultan Əbdülməcidin türbəsindədir. Cənazəsi Yavuz Sultan Səlim külliyəsindəki Sultan Əbdülməcid türbəsində dəfn olunmuşdur. Sultan Əbdülhəmid qardaşının ağır itkisindən sonra oğullarından birinin adını da Mehmed Burhanəddin qoymuşdur.

• Məstiniyaz xanım (d. 20 sentyabr 1851, Tiflis — ö. 20 aprel 1909, Dolmabağça sarayı) — 4 may 1872-ci ildə Dolmabağça sarayında evləndilər və 1 övladı oldu. Məzarı Yavuz Sultan Səlim külliyəsindəki Cəmilə Sultan türbəsində dəfn olunmuşdur.
  • İbrahim Tofiq Əfəndi (d. 24 sentyabr 1874 — ö. 31 dekabr 1931, Nitsa) — Sultan Əbdülhəmidin himayəsində böyümüşdür.
• Sadruy xanım (ö. 1930) — 1873-cü ildə evlənsələr də, 1875-ci ildə ayrıldılar. Övladı olmamışdır.

• https://archive.org/stream/GenealogyOfTheImperialOttomanFamily2005#page/n15/mode/1up