XƏSTƏLƏNMƏK Bu fikrə gəlib taleyi ilə barışdığı zaman Hüseyn bərk xəstələndi (M.İbrahimov); AZARLAMAQ (dan.) O yenə azarlayıb yatmışdı, kimsəni qəbul etmirdi (M.S.Ordubadi); BAŞI YASTIĞA ENMƏK (ağır xəstələnmək) Gec-tez başı yastığa enəcək (Q.Xəlilov); BİMARLAŞMAQ (kl.əd.) O bir quşdur, nəğməsi qəm; Şaxələrdə yuvası yox; Gündən-günə bimarlaşır; Dərmanı yox, davası yox (M.Rahim); XƏSTƏ DÜŞMƏK Bir il bəxtiyar yaşadıqdan sonra istəkli əri xəstə düşüb vəfat etdi (S.S.Axundov); KEFSİZLƏ(Ş)MƏK [Narınc:] Lap yaxşı eləmisən, mənim gül balam, keç içəri, atanın da gözünə görün, bir az kef sizləyib (M.İbrahimov); NAXOŞ OLMAQ Əbülfət ağa: Yenə siz, axund, naxoş olmasaydınız gəlib bir çarə tapardınız (Çəmənzəminli); NAXOŞLAMAQ Mötəbərov: Düz deyirsiniz, axır vaxtlarda tez-tez naxoşlayıram (M.Hüseyn); YORĞAN-DÖŞƏYƏ DÜŞMƏK (ağır xəstə olmaq) Qəndab: Yorğan-döşəyə düşdüm. Mənim dərdimdən əmim arvadı işdən çıxmalı oldu (B.Bayramov); NAÇAQLAMAQ, NASAZLAMAQ (azacıq xəstələnmək).