ƏSLA, QƏTİYYƏN Ondan ötrü ki, Xudayar bəyin evinə gələndən, Zeynəbin üzü əsla, qətiyyən gülmədi (C.Məmmədquluzadə); DIRNAQ QƏDƏR (fr.v.) [Mindilli:] Siz bu hadisələrə bir dırnaq qədər də fikir verməyin (S.Rəhman); ƏBƏDA ...Danabaş kəndini başa salıblar ki, əbəda uşkola uşaq göndərməsinlər (C.Məmmədquluzadə); ƏBƏDƏN Onlar nail olmayacaq arzusuna əbədən (S.Rüstəm); HEÇ Lakin heç sarsılmadı haman matəmdən şəhər (M.Rahim); HEÇ VAXT Şəriət evlənməkliyə heç vaxt mane olmuyubdu (C.Məmmədquluzadə); HEÇ VƏDƏ Belə olan surətdə Xudayar bəyin bu tövr hərəkətinə heç vədə pis demək olmaz... (C.Məmmədquluzadə); HEÇ ZAMAN Adilə: ..Səni heç zaman bağışlaya bilmərəm, bəli, heç zaman (Ə.Qasımov); HƏRGİZ (köhn.) Kazak: Hərgiz bilmirəm ağa (M.F.Axundzadə); QƏTA Molla Qafar: Məgər ruhani istiqbal üçün xəlq edilmişdir, əsla və qəta (S.Rəhimov); MÜTLƏQ Mən Cahan mülkündə mütləq doğru halət görmədim (M.P.Vaqif); HEÇ BİR ZAMAN.