MEHRİBANLIQLA (xoş üzlə) Dünən mehriban görüşüb ayrılmışdılar, bu gün səhər də eyni mehribanlıqla görüşmüşdülər (Anar); MEHRİBANCA(SINA) Səslər gah mehribanca; bir ana laylası tək; sığallayır, oxşayır (R.Rza); Ərəblinski artistlərə qayğılı, mehribancasına köməklik edər, onlara təkan verərdi (Ü.Hacıbəyov); MEHRİBAN-MEHRİBAN Ürəkdən ağlasam mən için-için; Mehriban-mehriban gülmə sən mənə (N.Xəzri); NƏVAZİŞLƏ Baxır nəvazişlə ulu dağlara; Özündən ixtiyar, mutlu dağlara; Çulğamış üzünü sirli bir hüzn (M.Müşfiq); YUMŞAQLIQLA [Mehriban] yumşaqlıqla cavab verdi (S.Hüseyn).