SİRİŞK (kl.əd.) Bu müsibət məhşərində ol Dedunalı görün; Zəxmi-naxun, sinədə, üzdə sirişk alı görüm (M.V.Vidadi); ƏŞK (kl.əd.) Di yumma gözlərini, qoy görüm doyunca səni; Gözümdə cari edib əşk, həm rəvan, getmə! (Natəvan); GÖZ YAŞI Gözyaşı nəyə gərək; Yaşadı mərd, öldü mərd (Ə.Cəmil); QORABA (məc.) Gözündən tökülən qorabanı əlinin arxası ilə silərək qaşına və yanaqlarına yaydı.. (S.Rəhimov); YAŞ ..Qırmızı çil toyuq da Nisənin gözlərindən süzülən yaş gilələri kimi yuxudan-yuxuya keçmişdi.. (Elçin).