Təzəkənd (Masallı)

Təzəkənd — Azərbaycan Respublikasının Masallı rayonunun inzibati ərazi vahidində kənd. Azərbaycan Respublikası Ali Sovetinin 25 may 1991-ci il tarixli, 123-XII saylı Qərarı ilə Masallı rayonunun Təzəkənd kəndi Yeddioymaq kənd Sovetindən ayrılaraq, bu kənd mərkəz olmaqla Təzəkənd kənd Soveti yaradılmışdır.^[1]

Təzəkənd
38°57′29″ şm. e. 48°48′14″ ş. u.HGYO
Ölkə	Azərbaycan
Tarixi və coğrafiyası
Saat qurşağı	UTC+04:00
Xəritəni göstər/gizlə Təzəkənd

Oykonim rayonun Zuvand adlanan mahalndan köçüb gəlmiş ailələrin məskunlaşması nəticəsində yaranmışdır, Təzəkənd Yeni kənd mənasındadır.

Kənd 1936-cı ildə yaradılmışdır.

Kənd Azərbaycanın cənub-şərqində, Xəzər dənizi<nin Qızılağac körfəzi sahilində, Bakı-Astara avtomobil yolunun sol hissəsində yerləşir. Rayonun Qızılağac, Sərçuvar və Lənkəran rayonunun Qumbaşı kəndləri ilə həmsərhəddir.

Əhalisi 2865 nəfərdir.^[2] Əhalisini milli mənsubiyyətə görə azərbaycan türkləri təşkil edir.^[3] Əhalinin əksəriyyəti şiələrin yeddinci imamı Museyi Kazim (ə)-ın nəslindən olub seyyiddir.

Əhali əsasən ovçuluq, qismən heyvandarlıq və əkinçiliklə məşğuldur.

Kənddə kitabxana və poçt var.

Kənddə R.Nəbiyev adına orta məktəb fəaliyyət göstərir.

Kənddə 2 məscid fəaliyyət göstərir.

Kənddə tibb məntəqəsi mövcuddur.

Masallı rayonu haqqında olan bu məqalə bu məqalə qaralama halındadır. Məqaləni redaktə edərək Vikipediyanı zənginləşdirin.