ZİDD (başqasına əks olan, düz gəlməyən) [Miko:] Sevdimalı əmi və başqaları bu tədbirlərə yenə də zidd çıxsa, onda ciddi danışmaq lazımdır (İ.Əfəndiyev); QARŞI Nazlı: Deməli, dilbir olmusunuz, mənə qarşı blok yaratmısınız (Anar); ANTAQONİST, ƏKS, ƏLEYH, MÜXALİF (bax).
Ziddiyyət qanunu
Ziddiyyət qanunu — məntiq qanunudur və bu qanuna görə bir-birini inkar edən iki təklif eyni vaxtda həqiqi ola bilməz. Ziddiyyət qanununun ilk ifadəsini Aristotel vermişdir. Ziddiyyət qanununu belə də ifadə etmək olur; təklif eyni vaxtda həqiqi və yalan ola bilməz. Formal ziddiyyətlərin düşüncəyə və ya elmi nəzəriyyəyə daxil olması, nüfuz etməsi onları əsassız edir. Ziddiyyət qanunu obyektlərin keyfiyyət müəyyənliyinin təfəkkürdə əks olunmasıdır. Belə bir sadə faktın təfəkkürdə əksidir; əgər obyektin dəyişməsindən sərf-nəzər etdikdə o, eyni vaxtda qarşılıqlı bir-birini istisna edən xassələrə malik ola bilməz.