ZƏRLİ (qızıl suyuna çəkilmiş, qızılla bəzədilmiş) Çıxdı gəzintiyə bir sal içində; Əynində yaxası zərli nimtənə (M.Rahim); QIZILLI [Əminə] ..ətəyi qızıllı, qəşəng al faydan kofta geymiş, başına da heyratı kəlağayı örtmüşdü (Ə.Əbülhəsən); MÜTƏLLA (köhn.) Sərraf yüz bəzəsə səngi-siyahi; Üzdə mütəlladır, ləl ola bilməz (Aşıq Ələsgər); ZƏRRİN Aşıq Vəli: Qızıl eynəkləri fəxr edib taxma; Mübahat eyləmə zərrin əbayə (N.Vəzirov).
Zərli tıs-tıs
Zərli tıs-tıs (lat. Acantholimon glumaceum) — plumbaqokimilər fəsiləsinin tıs-tıs cinsinə aid bitki növü.
== Təbii yayılması ==
Qafqaz, Şərqi Anadolu, Cənub-Qərbi Asiya, Türkiyənin şimal-şərqində təsvir edilmişdir. İran-Turan coğrafi elementinə daxildir.
== Botaniki təsviri ==
15-40 sm diametrində olan kolcuqdur. Yastığı, olduqca sıx yarpaqları ərpsiz, xətli-bizvari və sərtdir. Çiçəkləri son sünbüldə toplanıb, ikicərgəli, 5-11 sünbülcüklüdür. Çiçəkaltlıqları pulcuqvari, xarici geniş-yumurtavari, daxildəki uzun və ağ haşiyəlidir. Kasacığın borusu damar boyu tükcüklü, büküyü ağ olub, qara-bənövşəyi damarlıdır. Tacı iri və parlaq qırmızıdır.