1. UZANMAQ Sonra Cavanşir otağa girib elə çəkməli, şalvarlı da çarpayıda uzandı (Elçin); BÖYRÜNÜ YERƏ VURMAQ (fr.v.) Böyrün yerə vurub çoban dağ üstə; Hərdən deyir bir yanıqlı şikəstə (A.Səhhət); DÖŞƏNMƏK Nizami ..ağacın kölgəsinə döşənib axşama kimi yazırdı (M.Hüseyn); SƏRƏLƏNMƏK [Mehriban] qapının ağzında yerə sərələndi (S.Hüseyn); SƏRİLMƏK ..Xasay arxası üstə göy çəmənin üzərində sərilmişdi (Ə.Vəliyev).
2. UZANMAQ [Çingiz:] Buna “boymadərən” deyirlər, onu kim qoxulasa boyu uzanır (B.Bayramov); BOY ATMAQ Burda, bu ağacda hər oğlan, hər qız; Bir zaman boy atıb bir nər olacaq (S.Vurğun); ÇAYDAQLAŞMAQ/CAYDAQLANMAQ.