1. Tərsinə, ziddinə. Əksinə hərəkət etmək. Bəzən əksinə olur.
– …Gün dağlara düşəndə, günün şəfəqi dağların gah bu tərəfini şölələndirib o tərəfinə qara kölgə salır, gah da əksinə.
Vəziyyəti büsbütün əksinə məna edirsiniz.
□ Əksinə getmək – ziddinə getmək (hərəkət etmək), düşmənçilik etmək.
Zavallı anacığım!… Tamam da sənin əksinə gedir.
2. Deyilənin və ya nəzərdə tutulanın, gözlənilənin və s.-nin tam tərsinə; biləks (bəzən “olaraq” sözü ilə). Qüvvələrimiz nəinki azalmadı, əksinə, daha da artdı. Maşının sürətini azaltmaqdansa, əksinə, daha da artırdı.
– Əksinə, Zeynəb qarı çox qoçaq bir qadın idi…
Əksinə, rəiyyətin “əlaltı və nankor” hərəkəti şeytan-şuğulun pıçıltısı ilə bəyin qulağına çatdı…
Tofiq isə əksinə, alçaq boylu sarışın, girdəsifət, ətli-canlı idi.