1. FIRLANMAQ (müxtəlif mənalarda) [Pərviz:] ..cücələr pəncərə qabağına sıçrayır, yeşiyin ətrafında fırlanır.. (M.İbrahimov); AYLANMAQ Rüstəm bəy: Haradasan, oğul, belimi sındıran oğul? Yaraların yadıma düşəndə dünyavü-aləm başıma aylanır, bədənim od tutub yanır, başımdan tüstü çıxır... (N.Vəzirov); DOLANMAQ Qurbanəli bəy bir stəkan içib genə başladı fırlanmağa, genə başladı dolanmağa (C.Məmmədquluzadə); HƏRLƏNMƏK Qoca ağacın dövrəsində hərlənib gövdəsinə yanaşdı.. (M.Rzaquluzadə).
2. fırlanmaq bax 1. gəzinmək 1; 2. gəzişmək I