Molla Pənah Vaqifin büstü

Molla Pənah Vaqifin büstü ― XVIII əsrdə yaşamış Azərbaycan şairi, məşhur siyasi və ictimai xadim Molla Pənah Vaqifin şərəfinə qoyulmuş büst. Büst 1992-ci ildə Şuşa işğal edildikdən sonra dağıdılıb. 7 noyabr 2020-ci ildə Şuşa şəhəri işğalçılardan azad edildikdən sonra abidə 2021-ci ildə Həyat Abdullayevanın ilkin eskiz layihəsi əsasında yenidən bərpa edilib.[1]

Molla Pənah Vaqifin büstü
Map
Ölkə Azərbaycan Azərbaycan
Yerləşir Şuşa
Heykəltaraş Həyat Abdullayeva
Tikilib 1957
Material Tunc
Saxlanıldığı yer
Vikianbarın loqosu Vikianbarda əlaqəli mediafayllar

Haqqında[redaktə | mənbəni redaktə et]

Molla Pənah Vaqifin büstü 1957-ci ildə heykəltaraş Həyat Abdullayeva tərəfindən tuncdan hazırlanaraq Şuşa şəhərində qoyulub. Büst 1958-ci ildə Cıdır düzünün yaxınlığında yerləşən indiki Vaqif türbəsinin yerində qəbirüstü abidə kimi yerləşdirilib. Daha sonra 1976-cı ildə şairin Şuşadakı evinin yaxınlığına köçürülüb. 1982-ci ildə Vaqif türbəsinin açılışından əvvəl büst və onun ətrafı təmir edilib, abidənin postamenti dəyişdirilib. 1992-ci ildə Ermənistan Silahlı Qüvvələri tərəfindən Şuşa işğal edildikdən sonra şəhərdə yerləşən digər abidələr kimi Vaqifin büstü də vandalizmə məruz qalaraq dağıdılıb.[2]

7 noyabr 2020-ci ildə Şuşa şəhəri işğalçılardan azad edildikdən sonra abidə Həyat Abdullayevanın ilkin eskiz layihəsi əsasında yenidən bərpa edilib və öz əvvəlki yerinə qaytarılıb. 29 avqust 2021-ci ildə Şuşa şəhərində Molla Pənah Vaqifin yeni büstünün açılışı olub.[1]

Şəkilləri[redaktə | mənbəni redaktə et]

  • 1976-cı ilə qədər çəkilmiş şəkili

    1976-cı ilə qədər çəkilmiş şəkili

  • 1976-cı ilə qədər çəkilmiş şəkili

    1976-cı ilə qədər çəkilmiş şəkili

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. ↑ 1 2 "Dahi Azərbaycan şairi Molla Pənah Vaqifin Şuşada büstü açılıb" (az.). president.az. 29.08.2021. 29.08.2021 tarixində arxivləşdirilib. İstifadə tarixi: 04.10.2021.
  2. ↑ "Dahi Azərbaycan şairi Molla Pənah Vaqifin Şuşada büstünün açılışı olub" (az.). apa.az. 29.08.2021. 29.08.2021 tarixində arxivləşdirilib. İstifadə tarixi: 04.10.2021.

Xarici keçidlər[redaktə | mənbəni redaktə et]