Siləyli (Qəbələ)

Siləyli — Azərbaycan Respublikasının Qəbələ rayonunun inzibati ərazi vahidində kənd.

Siləyli
40°47′12″ şm. e. 47°50′01″ ş. u.
Ölkə
Tarixi və coğrafiyası
Saat qurşağı
Xəritəni göstər/gizlə
Siləyli xəritədə
Siləyli
Siləyli

Toponimikası

[redaktə | mənbəni redaktə et]

Kənd Vəndamçayın yaxınlığındadır. Yaşayış məntəqəsi siləyli nəslinin adını daşıyır.[1]

Coğrafiyası

[redaktə | mənbəni redaktə et]

Siləyli. Tarixdə bu adda tayfanın olduğu deyilir. Çox güman ki, həmin türk tayfasının adından götürülüb. Rayon mərkəzi ilə arası 37 km-dir. İri magistral yola çıxış üçün 17 km. qət etmək lazım gəlir. Ucqarda yerləşməsinə baxmayaraq yolu rahatdır.[2]

Ərazidə 2 artezian quyusu qazılıb. Suvarmada Qaraçaydan gələn arxdan istifadə olunur. Həmin su arxı 2008-ci ildə yenidən qazılaraq genişləndirilib. Hazırda əhaliyə telefon çəkilişlərinə başlanıb. Növbəti illərdə bura qazın verilməsi üçün layihələrə baxılır. Ərazi icra nümayəndəliyi üçün yeni bina 2008-ci ildə tikilib.[2] İki çayın Qaraçayla Göyçayın ortasında yerləşən Siləyli qədim tarixə malik olan yurd yeri olduğu güman edilir. Kəndin aşağısında üç tarixi abidə, Pirbucağı deyilən yerdə qəbir daşı üstündə yazılı sənduqə oxunarkən məlum olub ki, buradakı kitabədə göstərilən tarix qədim əsrlərdən soraq verir.[2]

Kurqan ikinci abidədir və onun da mühafizəsi və tədqiqi tarixin açılmayan illərinə aydınlıq gətirəcək real dəlildir.[2] Digər tapıntılardan biri, Qala arxeoloji abidəsi isə ona görə maraq doğurur ki, bu tarixi tikili Bakının Qız qalasına bənzəyir. Vaxtilə su üzərində olduğu ehtimal olunur. İki çayın bir-birinə qovuşduğu, Qaraçayla Göyçayın bir məcraya yönəldiyi yerdə inşa olunan qaladan sudan mühafizə, həm də yadellilərdən qorunmaq məqsədilə də istifadə edilməsi güman edilir. Üç hissədən ibarət olan qala kənar tərəfdən dar, içəridən isə enli yarğanlarla qurulub. Eynən İçərişəhərin qala divarları kimi silahlı basqını dəf etmək, nizələri içəri buraxmamaq üçün müdafiə təminatı məqsədi daşıyır.[2]

Əhalisi

[redaktə | mənbəni redaktə et]

2009-cu ilin siyahıyaalınmasına əsasən kəndDə 307 nəfər əhali yaşayır.[3]

Tanınmış şəxsləri

[redaktə | mənbəni redaktə et]

İstinadlar

[redaktə | mənbəni redaktə et]
  1. ↑ Siləyli (Qəbələ) // Azərbaycan toponimlərinin ensiklopedik lüğəti. II cild. Bakı: Şərq-Qərb. 2007. 304. ISBN 978-9952-34-156-0.
  2. ↑ 1 2 3 4 5 Şəlalə Məhyəddinqızı, "Qəbələ Qafqazın incisi", Bakı, "Oğuz Eli", 2009.
  3. ↑ Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629

Həmçinin bax

[redaktə | mənbəni redaktə et]
Qəbələ rayonu  Qəbələ rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.