1. məch. Başqa hala salınmaq, başqa şəklə salınmaq, döndərilmək.
O başını yellədib bir ah çəkdi dərindən, “Ah” alova çevrilib saçıldı gözlərindən.
2. t-siz. Tez-tez bir haldan başqa hala keçmək. Su donaraq buza çevrilmişdir. – Radium parçalanaraq axırda qurğuşuna çevrilir. “Günəşin tarixi”.
// məc. Dönüb başqa bir şey olmaq, başqa keyfiyyət almaq, başqa bir şeylə əvəz olunmaq.
Bulağa gəlirkən [Zöhrədə] olan nəşə indi tamamilə kədərə çevrilmişdi.
Bir anda Sonanın halı dəyişdi, həsrət və məhəbbət qəribə bir marağa və şübhəyə çevrildi.
3. məch. İstiqamətləndirilmək, yönəldilmək. Pulemyotlar düşmənə tərəf çevrildi.
– Toplara bax, toplara, tanklara bax, tanklara; Od saçan lülələri çevrilibdir gör hara?
4. f. Dönmək, devrilmək.
Arvad qışqırdı, uşaqlar çığırışdılar, məcməyi üzüqoylu çevrilib, dolmanın hərəsi evin bir küncünə diyirləndi.
Səs-küy artdı, ara qarışdı, üstü içki və yeməklə dolu stollar çevrilib alt-üst oldu.
5. f. Özünü çevirmək, özünü döndərmək, dönmək.
Tərlan yatağında tez-tez o yan-bu yana çevrilir, yata bilmirdi.
Midhəd gözlərini açdı, təyyarənin böyrü üstə çevrildiyini ani olaraq duydu.
// Üzünü, ya bədənini döndərmək, başqa səmtə döndərmək, dönmək.
Faytonçu çevrilib Qəhrəmana baxdı.
Ayna çevrilib geri baxdı.
6. məch. Şumlanmaq, sürülmək, bellənmək, təpilmək. Meynəlik çevrilib qurtarmışdır.
– Torpaq çevrilmək, nəfəs almaq istəyir.
7. məch. Tərcümə olunmaq. Əsər bir neçə dilə çevrilmişdir.