DÖRDKÜNC(LÜ) Kərim dayı dönüb getmək istəyəndə “Azərbaycan qadını” yadına düşdü, çantadan çıxarıb ... dördkünc tumboçkanın üstünə qoydu.. (M.İbrahimov); ÇARGÜL Yan divarlardan birisində çargül rəngli pəncərələr arxasında zərli çərçivəyə tutulmuş güzgülər vurulmuşdu.. (Çəmənzəminli); DÖRDBUCAQ(LI) O zaman Ağdam geniş dördbucaq şəklində tikilmiş bir karvansaradan ibarət idi (Çəmənzəminli); KVADRAT Otağın ortasında.. balaca kvadrat stol qoyulmuşdu (M.İbrahimov).
Dördkünclü qala (Yuxarı Əskipara)
Qazax rayonunun Yuxarı Əskipara kəndində nisbətən salamat qalan abidələrdən biri Dördkünclü qaladır. Adına Qüllə də deyirlər, Koroğlu qalası da. Coğas çayının sahilində ucaldılmış bu çoxmərtəbəli qala gözətçixana olub. Düşünülüb qoyulmuş pəncərələr, müşahidə dəlikləri, xəbərdaredici tonqal yerləri bunu bir daha təsdiq edir. Planda qala kvadrat şəklindədir. Onun hər bir tərəfinin uzunluğu 8 metr təşkil edir. Qala çaydaşından çox səliqə ilə hörülüb. Bişmiş qırmızı kərpicdən kəmər-naxışları var. Mərtəbə arası bağları ağacdan imiş. Həyatində köməkçi binalar olub.