HÖKMDARLIQ Padşah bu fikrə gələndə şairlik gözündə çox böyüdü, hətta hökmdarlıqdan da artıq göründü (M.İbrahimov); AĞALIQ Elə ziyalılarımızda da taqsır çoxdur. Onların içində ağalıq iddiasına düşənlər, yerliləri öz evlərində rahat dolanmağa qoymaq istəməyənlər azdırmı? (İ.Şıxlı); ALLAHLIQ (məc.) [Safo:] Bu gödək adamlar da dində üç dəfə allahlıq iddiasına düşürlər (S.Rəhimov); CAHANDARLIQ Onun nəvazişatından və əql və fərasətindən və qideyi-cahandarlığından elçi və əmələsi vəcd etdilər (M.F.Axundzadə); HAKİMLİK Sultan sözü hərləyib özünün hakimlik, dərəbəylik səltənətinə qorxu salan mətləb üstünə gətirdi (S.Rəhimov); HÖKMRANLIQ Xosrov: Gözəl dost.. Nə gördüm bu dünyada mən; Nə verdi Xosrova bu hökmranlıq (S.Vurğun); SƏLTƏNƏT İbrahim xan Qarabağa qayıdanda qardaşı Mehralı bəylə arasında səltənət davası düşmüşdü (Çəmənzəminli); SOLTANLIQ Çingiz: Piri baba, eşitdim səni sultanlıqdan əzl ediblər (S.S.Axundov).