HƏSƏNALI
bax: Həsən və Əli; gözəl Alı, göyçək Əli.
Bəxtiyar Həsənalızadə
Bəxtiyar Bəyqulu oğlu Həsənalızadə (29 dekabr 1992, Bakı) — Azərbaycan Premyer Liqası təmsilçilərindən olan Sumqayıt klubunda müdafiəçi kimi çıxış etmiş peşəkar Azərbaycanlı futbolçudur.
== Klub karyerası ==
Bəxtiyar Həsənalızadə Azərbaycan Premyer Liqası təmsilçilərindən olan Sumqayıt klubunun akadeniyası vasitəsilə inkişaf etmişdir. O, 2011-ci ildən 92 nömrəli forma altında bu klubda çıxış edir.Bəxtiyar öz peşəkar futbolçu karyerasına klubun əvəzedicilər dəstəsində start vermişdir. 2012-ci ilin iyun ayından Bəxtiyar Sumqayıt klubunun əsas yığmasına mübarizə aparır. O, klub ilə iki illik müqavilə imzalamışdır.
=== Çempionat ===
=== Kubok ===
Bəxtiyar Sumqayıt klubu ilə Azərbaycan Kubokunda bir oyunda iştirak etmişdir.
Zeynal Həsənalıyev
Zeynal Mədət oğlu Həsənalıyev (20 yanvar 1953, Ələyəz, Mikoyan rayonu) — Bakı Dövlət Universitetinin Beynəlxalq münasibətlər və iqtisadiyyat fakültəsinin dekanı, tarix elmləri doktoru, Beynəlxalq münasibətlər kafedrasının professoru.
== Həyatı ==
Zeynal Həsənalıyev 1953-cü il yanvarında Dərələyəz mahalının Ələyəz kəndində anadan olub. Orta məktəbi Dərələyəz mahalının Qovşuq kəndində bitirmişdir.
1976-cı ildə Bakı Dövlət Universitetinin Tarix fakültəsinə qəbul olur. Daha sonra həmin ixtisas üzrə universitetin aspiranturasına daxil olur.
O, Səfəvi dövlətinin tarixi, inkişafı diqqətini cəlb edir, çətin bir tədqiqat yoluna qədəm qoyur. Beləliklə, 1991-ci ildə "Səfəvi dövlətinin ictimai-siyasi vəziyyəti (Alman səyyahı Adam Oleyarinin məlumatları əsasında)" mövzusunda namizədlik dissertasiyasını müdafiə edir. 2005-ci ildə isə "Səfəvi dövləti XXVII əsrdə (Avropa səyyahlarının məlumatları əsasında)" doktorluq işini müdafiə edir.
1982-ci ildə BDU-nun Tarix fakültəsinin Qədim Dünya və Orta Əsrlər Tarixi kafedrasında baş laborant vəzifəsinə təyin olunur. Doğma universitetdə laborant vəzifəsindən müəllim, baş müəllim, dosent, professor vəzifələrinə öz zəhməti, öz qabiliyyəti ilə gəlib çıxan bu adam 2006-cı ildən 2022-ci ilədək Beynəlxalq münasibətlər və beynəlxalq hüquq fakültəsinə tarix elmləri doktoru, professor Zeynal Həsənalıyev rəhbərlik etmişdir.