QALT

Qaltaxçı — İrəvan quberniyasının Aleksandropol qəzasında, indiki Hamamlı (Spitak) rayonunda kənd. Rayon mərkəzindən 24 km məsafədə yerləşir. Qafqazın 5 verstlik xəritəsində qeyd edilmişdir. Toponim qaltax (koltak) etnoniminə -çı şəkilçisinin qoşulmasından əmələ gəlmişdir. Etnotoponimdir. Quruluşca sadə toponimdir. Ermənistan SSR Ali Soveti Rəyasət Heyətinin 26. IV.1946-cı il fərmanı ilə kəndin adı dəyişdirilib Hartakyuc qoyulmuşdur. 1978-ci ildə isə Berdavan adlandırılmışdır. Kənd orta əsrlərdə Anadoluda yaşamış Yerük tayfa birləşməsinin Kaltak tayfasının məskunlaşması nəticəsində yaranmışdır.

Qaltoniya- cinsi ingilis antropoloqu E. Qaltonun şərəfinə adlandırılmışdır. Cinsə 4 növ soğanaqlı bitki daxildir. Onların vətəni Cənubi Afrikadır. Gülçülükdə 2 növündən istifadə olunur. Ağ qaltoniya ya da Kap (Afrika) sünbülçiçəyinin (G. Candicans) hündürlüyü 100-150 sm-ə çata bilir. Bu soğanaqlı bitkinin yarpaqları ətli, ağımtıl ətirli çiçəkləri azacıq sallaq salxıma toplanmışdır. Qaltoniya işıqsevən bitkidir, ona görə onun günəşli sahələrdə əkilməsi yüksək məhsuldarlıq əldə etməyə imkan verir. Bitkinin vegetasiya dövründə gübrə vermək xeyirlidir. Qaltoniya rütubətsevən bitki olduğu üçün vaxtaşırı suvarılmalıdır. Tofiq Məmmədov (botanik) "Gülçülük ensiklopediyası": Bakı: "Azərbaycan"-2016.

Yohan Qaltunq (norv. Johan Vincent Galtung; 24 oktyabr 1930, Oslo – 17 fevral 2024, Berum, Akersxus[d]) — sülh və münaqişə tədqiqatları fənninin əsas banisi hesab edilən Norveç sosioloqu. O, 1959-cu ildə Oslo Sülh Araşdırmaları İnstitutunun (PRIO) əsas təsisçisi olmuş və 1970-ci ilə qədər onun ilk direktoru vəzifəsində çalışmışdır. Qaltunq həmçinin, 1964-cü ildə "Journal of Peace Research"i təsis etmişdir. 1969-cu ildə Oslo Universitetində sülh və münaqişə tədqiqatları üzrə dünyanın ilk kafedrasına təyin edilmişdir. O, 1977-ci ildə buradakı vəzifəsindən istefa vermiş və o vaxtdan bir neçə başqa universitetdə professorluq etmişdir. 1993–2000-ci illərdə Havay Universitetində Sülh Tədqiqatları üzrə görkəmli professor kimi dərs demişdir. O, 2015-ci ilə qədər Malayziya Beynəlxalq İslam Universitetində Qlobal sülh üzrə Tun Mahathir professoru olmuşdur. Qaltunqun 1969-cu ildə yazdığı "Zorakılıq, sülh və sülh tədqiqatları" adlı məqaləsində o, onu meydana gətirən zorakılığın üç əsas elementini müəyyən etmək məqsədilə sülh və münaqişənin öyrənilməsində istifadə edilən bir çərçivə olan "Münaqişə üçbucağı" nəzəriyyəsini təqdim etmişdir. Nəzəriyyə sülhün hamı tərəfindən qəbul edilmiş sosial məqsədlərlə müəyyən edilməsi prinsipinə əsaslanır, istənilən sülh dövləti zorakılığın olmaması ilə xarakterizə olunur.