Sultan Məmmədov

Bu məqalə I çağırış Milli Məclisin deputatı haqqındadır. Soltan adlılar üçün üçün Soltan Məmmədov səhifəsinə baxın.

Sultan İsrafil oğlu Məmmədov (10 mart 1938, Astara rayonu – 15 sentyabr 2019) — Azərbaycan Milli Məclisinin
I çağırış deputatı,^[3] Azərbaycan Ali Sovetinin Milli Şurasının üzvü, Azərbaycan SSR Ali Sovetinin X, XI çağırış və XII çağırış deputatı, Azərbaycan Respublikası mənzil-kommunal təsərrüfatı nazirinin birinci müavini, Azərbaycan Kommunist Partiyası Astara Rayon Komitəsinin birinci katibi, Azərbaycan Kommunist Partiyası Lerik Rayon Komitəsinin birinci katibi, Astara Rayon Xalq Deputatları Soveti İcraiyyə Komitəsinin sədri, Azərbaycan Kommunist Partiyası Astara Rayon Komitəsinin katibi, Astara Rayon Zəhmətkeş Deputatları Soveti İcraiyyə Komitəsinin sədri.

Sultan Məmmədov
Azərbaycan Milli Məclisinin I çağırış deputatı
12 noyabr 1995 – 2000
Seçki dairəsi	1995 — 53 saylı Astara
Əvvəlki	vəzifə təsis edildi
Sonrakı	İsgəndər Quliyev
Azərbaycan Ali Sovetinin Milli Şurasının üzvü
26 noyabr 1991 – 1995
Əvvəlki	vəzifə təsis edildi
Sonrakı	vəzifə ləğv edildi
Azərbaycan Ali Sovetinin XII çağırış deputatı
1990 – 1995
Seçki dairəsi	158 nömrəli
Sonrakı	vəzifə ləğv edildi
Azərbaycan Respubkilkası mənzil-kommunal təsərrüfatı nazirinin birinci müavini
26 noyabr 1992[1] – 3 may 1993[2]
Nazir	Sücəddin Abdullayev
Əvvəlki	Rafiq Babayev
Sonrakı	vəzifə ləğv edildi
Azərbaycan SSR Ali Sovetinin X və XI çağırış deputatı
15 noyabr 1981 – 1990
Seçki dairəsi	1981 — 322 nömrəli Nüvədi 1985 — 322 nömrəli Nüvədi
Əvvəlki	vəzifə təsis edildi
Sonrakı	vəzifə ləğv edildi
Azərbaycan Kommunist Partiyası Astara Rayon Komitəsinin birinci katibi
1987 – 1991
Sonrakı	vəzifə ləğv edildi
Azərbaycan Kommunist Partiyası Lerik Rayon Komitəsinin birinci katibi
1980 – 1987
Astara Rayon Xalq Deputatları Soveti İcraiyyə Komitəsinin sədri
1977 – 1980
Azərbaycan Kommunist Partiyası Astara Rayon Komitəsinin katibi
1973 – 1977
Astara Rayon Zəhmətkeş Deputatları Soveti İcraiyyə Komitəsinin sədri
1971 – 1973
Şəxsi məlumatlar
Doğum tarixi	10 mart 1938(1938-03-10)
Doğum yeri	Astara rayonu, Azərbaycan SSR, SSRİ
Vəfat tarixi	15 sentyabr 2019(2019-09-15) (81 yaşında)
Partiya	Sovet İttifaqı Kommunist Partiyası (1961–1991)
Təhsili	Azərbaycan Dövlət Universiteti (–1965), Bakı Ali Partiya Məktəbi (–1978)
Fəaliyyəti	siyasətçi
Təltifləri

Sultan Məmmədov 10 mart 1938-ci ildə Astara rayonunda anadan olub. 1965-ci ildə Bakı Dövlət Universitetini, 1978-ci ildə Bakı Ali Partiya Məktəbini bitirib. 1971–73-cü illərdə Astara şəhər Zəhmətkeş Deputatları Soveti İcraiyyə Komitəsinin sədri, 1973–77-ci illərdə Astara rayon partiya komitəsinin katibi, 1977–1980-ci illərdə Astara rayon Xalq Deputatları Soveti İcraiyyə Komitəsinin sədri, 1980–1988-ci illərdə Lerik rayon partiya komitəsinin birinci katibi, 1988–1991-ci illərdə Astara rayon partiya komitəsinin birinci katibi, 1992–1995-ci illərdə isə Azərbaycan Respublikası Mənzil-komunnal Təsrrüfatı nazirinin birinci müavini vəzifələrində çalışıb.

X, XI, XII çağırış Azərbaycan SSR Ali Sovetinin (ilk dəfə təkrar seçkilərlə 15 noyabr 1981-ci ildə deputat seçilərək), Azərbaycan Respublikası Milli Şurasının üzvü^[4]., mənzil-komunnal daimi komisiyasının sədri olmuş, 1995–2000-ci illərdə Azərbaycan Respublikası Milli Məclisinin deputatı, Azərbaycan-İran dostluq qrupunun rəhbəri kimi fəaliyyət göstərmişdir.

Səmərəli fəaliyyətinə görə "Şərəf nişanı", "Xalqlar dostluğu" ordenləri, bir sıra medallar və fəxri fərmanlarla təltif edilmişdir. O, "Qızıl qələm" mükafatı laureatıdır.

15 sentyabr 2019-cu ildə vəfat edib.^[5]

• Azərbaycan SSR daxili işlər naziri Aydın Məmmədovun qardaşıdır.

• "Masonluq: Dünyanı idarə edən qüvvə|Masonlar: dünyanı idarə edən qüvvə" (2007),
• "Dünyanın hörümçək toru" (2012)

Evli idi. 5 övladı, 9 nəvəsi var.

Bu məqalədəki istinadlar müvafiq istinad şablonları ilə göstərilməlidir.

• Qədir Aslan. "Görkəmli ictimai xadim" (az.). anl.az. 7 mart 2013. İstifadə tarixi: 2015-01-28.