AVAM (geridə qalmış, oxumamış, savadsız adam) [Məmməd ağa:] Avam da var, avam da. Amma bunlar kimi avam men görməmişəm (N.Nərimanov); ANLAMAZ Al külüngü öz-özünə qəbir qaz; Ay yazıq, ey biçara, ey anlamaz (A.Səhhət); CAHİL Xosrov: Gördüm, ancaq o qədər müqəssir olmurdum. Çünki cahil idim (A.Şaiq); LAY-ƏLƏM (arx.) Rüstəm bəy: Ay qız, sən qıfılla, sən danışma, sən bu cür işləri anlamazsan, çünki sən bir heyvan layələmsən! (Ü.Hacıbəyov); NADAN Rüstəm bilmədi ki, nadan yanında; Ağıla nə hacət, gözə nə hacət (B.Vahabzadə).