1. Qapı ağzı, kandar, astana. Qazmanın girəcəyi. Girəcəkdə dayanmaq.
– Sürətlə gedən maşın hündür bir evin girəcəyində durdu.
2. Giriş; daxil olmaq, girmək üçün yer, yolun ağzı.
Səlim … uçub girəcəyə tökülmüş torpaqdan yana … yığmağa başladı.
3. Bir yerin başlanan hissəsi: başlanğıc, giriş. Kəndin girəcəyi. Parkın girəcəyi. Bağın girəcəyində bir heykəl yüksəlir. – [Mirzə İsmayıl:] Gərək qonağa, necə ki lazımdır qulluq eləyəsiniz.
Əvvəla, ağsaqqallar hamısı qabaqlarında kəndin mollası, gərək kəndin girəcəyində gedib dayansınlar…
4. Böyük otaqların qarşısında olan kiçik otaq, şüşəbənd və s. Girəcəkdə oturmaq.
– Bağır xurcunu aynabəndin girəcəyinə qoyub, üzünü Nazlıya tutdu…
// Sif. mənasında.
İçəridə, yəni sol tərəfdəki girəcək otaqda üç adam var idi.