GÜLMƏK Məhəmmədhəsən əmi özü də oğluna baxıb başladı gülməyə (C.Məmmədquluzadə); DİŞLƏRİNİ AĞARTMAQ (səbəbsiz gülmək) (fr.v.) İndi isə hörmətli bir tanış kimi mənə salam verir və dişlərini ağardır (M.S.Ordubadi); HIRILDAMAQ (boş-boşuna gülmək) Əhməd başladı hırıldamağa (C.Məmmədquluzadə); İRİŞMƏK (boş-boşuna gülmək) Fərman Əhmədin üzünə mənalı-mənalı baxıb irişdi.. (Ə.Abbasov); ŞAQQANAQ ÇƏKMƏK (ucadan gülmək) İbrahim bəy şaqqanaq çəkdi (Ə.Vəliyev); MIRTILDAMAQ (dan.).
Gülmək
Gülüş — insanlarda ritmik olaraq diafraqma və digər tənəffüs orqanlarının eşidilə biləcək şəkildə fiziki hərəkəti. Bu hərəkət "ha-ha-ha" və ya "he-he-he" şəklindəki səslərin yaranması ilə nəticələnir. Gülüşün (qəhqəhənin) yaranması səbəbləri kimi qıdıqlanma formasında kənar mühit amilləri, yumorik hadisə və sözlər, düşüncələr göstərilir. Gülmək sevincin fiziki göstəricisi hesab olunur. Amma insanlar bəzi halldan utanmaq, təəccüblənmək kimi fərqli emosiyalarda belə gülürlər. Bəzən isə nəzakət xatirinə saxta gülüşlər baş verə bilər. İnsanlardan başqa bəzi primatlar da (şimpanze, qorilla, oranqutan) qəhqəhəyə bənzər səslər çıxarırlar. Ən çox sevinc, xoşbəxtlik, rahatlıq və s. kimi bir sıra müsbət emosional vəziyyətlərdə müşahidə olunsa da bəzi hallarda bunun əksinə xəcalət, təəccüb və ya əks duyğu halları zamanı da ortaya çıxa bilir.
