I
(Bakı)
yuxa, çörək növü. – Yaymanın boyatı qeyiş kimi olar
II
(Bərdə, Daşkəsən, Gədəbəy, Göyçay, Xanlar, Mingəçevir, Oğuz, Şəki, Zərdab)
südlüsıyıq. – Yaymanın qazmağı olmaz (Bərdə); – Süt də tökür, su da, düyü də, orda pişir, olur yayma (Oğuz); – Savağ ertə bir boşqaf yayma yimişəm, acmamışam hələ (Şəki)
III
(Füzuli, Xocalı)
yeni tənək bitirmək üçün onun budaqlarını kökündən ayırmadan yerə basdırma. – Mə:m özümün tə:ngim azıdı, elə o yaymeynan çoxaldı (Füzuli)
Yayma (qida)
Düyü – 67q,
Süd – 100q,
Ərinmiş yağ – 15q,
Şəkər – 15q,
Zəfəran – 0,1q,
Duz.
Əvvəlcə süd eyni miqdarda su ilə qarışdırılır. Sonra südə düyü tökülüb zəif od üzərində bişirilir. Hazır olana yaxın şəkər və zəfəran şirəsi əlavə edilir. Süfrəyə verildikdə üzərinə yağ əlavə edilir.
Yayma (texnika)
Yayma— metal və onların xəlitələrinin təzyiq altında iki və daha artıq fırlanan vallar arasında sıxaraq formavermə mexaniki emal üsuludur. Vallar əksər hallarda silindrik səthə malik olsalar da, üzərində müəyyən dərinliklər və digər profillərə malik valların tətbiqi də mövcuddur. Emal zamanı metal vallar tərəfindən sıxıldıqda materialda daxili gərginliklər yaranır və o emal zonasında plastiki deformasiyaya uğradılaraq axır. Nəticədə pəstahın en kəsiyi dəyişilir və lazımi formaya salınır. Prosesin gedişində köməkçi alətlərdən (içlik, ştanqa, yönəldici alətlər və s.) də istifadə olunur.
Prosesin kinematikasına görə yayma bölünür: uzununa, eninə və çəpinə yayma. Uzununa yaymada pəstah valların oxuna perpendikulyar istiqamətdə yerləşdirilir və emal zamanı fırlanmır. Eninə yaymada isə pəstahın oxu valların oxu ilə üst-üstə düşür və irəliyə hərəkət zamanı pəstah öz oxu ətrafında fırlanır. Pəstah və valların hərəkətləri eyni zamanda baş verdikdə çəpinə yayma alınır.
Yaymada tətbiq olunan alətlərin-valların həndəsi formaları bu üsulu daha alt qruplara bölməyə gətirib çıxarır.