□ Çırt atmaq – tüpürmək, tüpürərkən çırt səsi çıxartmaq.
[Qənbərqulu:] [Əsgər] uzun bir çubuq da qoyub damağına, sağa da çırt atır, sola da.
[Bəy] yandan düşmüş dişinin yerindən çırt atdı və danışdı.
Çırt çubuğu – tənbəki çəkmək üçün uzun çubuq, qəlyan.
Rəhim bəy bunu deyərək bir dənə uzunquyruq çırt çubuğunu çıxardıb qabağına qoydu.
[Aftil:] Kəblə Fatmanisənin də çırt çubuğu elə fısıldayır ki, elə bil paroxod bacasıdır.
Çırt tənbəkisi – çırt çubuğuna doldurmaq üçün tənbəki.
[Əmrah:] Necə ola bilər ki, çırt tənbəkisi çəkə, ağzından xanıma pis iy gəlməyə?!
