1. zərf Bir müddət, bir qədər, bir müddətə qədər. Hələlik burada otur. Hələlik gözləməli olacaqsan. Hələlik bunu özündə saxla.
– Sonudur qış gününün, toplayaraq var gücünü; Saxlamaq fikrinə düşmüş hələlik öz gücünü.
Murad öz sualına özü cavab verir, hələlik arvadına məsələni bildirmirdi.
// Müvəqqəti (olaraq). Hələlik onun yanında yaşa. Pulu hələlik cibində saxla.
– [Leytenant:] Hələlik ev-zad düzəldənəcən burada qalarsınız.
// Hazırda, bu saat, indi. Hələlik evə tələsirəm, məşğul ola bilməyəcəyəm. Hələlik işini gör, söhbət sonraya qalsın.
2. Hələlik! – xudahafiz! görüşənədək! sağ ol!
[Tahir:] Hələlik, – deyə, gülə-gülə uzun-caydaq qıza əl elədi və sürətlə uzaqlaşdı.
Sənubər havanın qarışmağına … əhəmiyyət verə bilmədi, mövsümi paltosunu geydi, anasına “hələlik” demədən çıxdı.