1. Yeyilən, içilən hər hansı bir şeydən duyulan xoş hiss; tam, dad. Hər xörəyin bir ləzzəti var. Bu meyvənin ləzzəti necədir? Ağzımın ləzzəti qalmışdır.
// Dadlılıq, şirinlik. Ləzzəti hələ də damağımdadır. Bu əncirin ləzzətindən keçmə.
2. məc. Bir şeydən duyulan xoş hiss, sevinc duyğusu; həzz, nəşə.
İlin hər fəslinin bir hüsnü var, amma qışın ləzzəti bir özgədir.
Olunca kefin kök, yollar da hamvar; Qızışmış atlarda başqa ləzzət var.
Ov da olmasa, elə bunun tamaşası, özü bir ləzzətdir.
□ Ləzzət almaq (aparmaq, görmək, çəkmək) – həzz almaq, zövq almaq, xoşuna gəlmək, xoşlanmaq.
[Əmrah:] İndi bəylə xanım vuruşacaq, ləzzət aparacağam.
Rüstəm kişi tütünün ətrindən, saçaqlı tellərinin rəngindən xüsusən ləzzət alardı.
Ləzzət vermək – xoşlandırmaq, zövq vermək, həzz vermək.
…Meşədən axan bulaqların səsi və gərdişin comərdliyi Bahadıra böyük ləzzət verirdi.
Quzuçuların həvəslə oynamaları, quzuların iştaha ilə otlamaları Gurşada ləzzət verirdi.
Ləzzətdən düşmək – əvvəlki dad və təravətini itirmək.
Ləzzəti qaçmaq (getmək) – əvvəlki ləzzəti, zövqü verməmək, təsirdən düşmək. Daha bu işin ləzzəti qaçdı.
Ləzzətini görmək – bir şeyin zövqünü, nəşəsini hiss etmək, duymaq. Tələbəliyin ləzzətini görmək.
– Nəbi nökərçiliyin ləzzətini gördüyü üçün rəncbərlik etmək fikrinə düşür. “”.
[Uşaq:] Məni istəyirsən, dur gedək babamın otağına, biz də ata və ana ilə bir yerdə çörək yemək ləzzətini görüb fərəh edək.
3. Ləzzətlə şəklində zərf – xoşlana-xoşlana, həvəslə, iştaha ilə.
…Xudayar katda ləzzətnən yıxılıb yatdı.
[Ramazan] nahar üçün hazırlanmış südlü plovu ləzzətlə yeyir(di)…
