1. Ləzzət verən, dadlı, yeməli, tamı gözəl. Ləzzətli xörək. Ləzzətli yeməklər.
– Məşədi İmaməli çox ləzzətli plova və bal qayğanağına bizi qonaq elədi.
Xörəklər olduqca lətif və ləzzətli idi.
Bütün nahar dəstgahı qızıl qablarda gəldi; Qızıl piyalələrdə ləzzətli mey verildi.
2. məc. Xoşagələn, xoş.
Sözü ləzzətli, şirindilli uşaqdır uşağım; Nə ədəb vaxtıdı, qoy söysün, uşaqdır uşağım!
[Əhməd:] Xeyr aa, elə adam deyil, ləzzətli oğlandır.
3. məc. Ürəyəyatan, zövqverən, xoşagələn; xoşlanılacaq, şirin.
Ver pulunu dadlı, ləzzətli zad al! Qoy babalın boyuma, get arvad al!
Ləzzətli xəyalatdan, bir söz də olsa, Əhməd yadında bir şey saxlamamışdı.