NUMAN

Şahzadə Numan (1723–1764) — 23. Osmanlı Padşahı Sultan III. Əhməd'in Meyli Sultan'dan olan oğludur. Sultan III. Əhməd'in 10. oğlu olan Şahzadə Numan, sarayda qalmışdır, padşah olmağı gözlənilmədiyi üçün I. Əbdülhəmid və III. Mustafa qədər maraq göstərilməmişdir. 8 oktyabr 1721-ci il çərşənbə günü İncili köşkdə baş tutan mərasimin ardından ilk təhsilinə başlayan Şahzadə Numan dini təlimlə yanaşı, hüsnxətt üzrə də dərslər aldı. Lalə Dövrü'ndə Sultan III. Əhməd, hərəmləri və övladları adına Üsküdar'da demək olar ki, hər küçəyə bir çeşmə tikdirmişdi. Oğlu Şahzadə Numan adına da Üsküdar'da 1728 tarixində Şahzadə Numan Çeşməsi'ni inşa etdirdi. 1764-cü ildə vəfat etmişdir. Cənazəsi Yeni Camii Türbəsi'ə dəfn edildi.

Körpülü Numan Paşa (17 mart 1674, Ədirnə, Osmanlı imperiyası – 6 fevral 1719, İraklion, Krit vilayəti) — III Əhməd səltənətində 4 il 1 ay 12 gün sədrəzəm olmuş Osmanlı dövlət adamı. == Həyatı == === İlk illəri === 17 mart 1674-cü ildə Ədirnədə dünyaya gəldi. Atası Körpülü Fazil Mustafa Paşadır. Atasının 1691-ci ildə Avstriya üzərinə çıxdığı son səfər əsnasında dövlət təcrübəsi qazanması məqsədilə Rumelidə yerləşən arxa cəbhəyə göndərildi. Səfər davam edərkən iyul ayında Modava alaybəyi təyin olunaraq Dunay çayı sahilindəki İrşova qalasının təmiriylə vəzifələndirildi. Ancaq o əsnada baş tutan Salankamen döyüşündə atası şəhid düşdü və Osmanlı ordusu məğlub edildi. Hələ 17 yaşında ikən atasının ölümüylə əmisi oğlu Hüseyn Paşa tərəfindən himayə edildi. === Ərzurum bəylərbəyliyi dövrü === Hüseyn Paşanın 1697-ci ildə sədarətə gətirilməsi Numan Paşanın da yolunu açdı. 3 iyul 1700-cü ildə İstanbula çağırıldı və altıncı vəzir olaraq divana daxil oldu. Bununla yanaşı Sultan Mustafanın qızlarından 7 yaşlı Ayşə Sultanla nişanlandı.

Kürəkən Numan Paşa (ö. 1784) — Osmanlı sultanı I Mahmud, III Osman və III Mustafa dönəmlərində müxtəlif dövlət vəzifələrində xidmət etmiş dövlət xadimi. Saloniki əyanından Hacı Seyid Əhməd ağanın oğlu olub, gənc yaşlarında İstanbula göndərilərək saraya təhvil verilmişdir. Əndərunda yetişmiş, 1738-ci ildə ikinci miraxur, ardından qapıçılar kənxudası olmuşdur. Daha sonra 16 dekabr 1748-ci ildə Sultan Əhmədin qızlarından Zübeydə Sultanla nigahlandı. Cütlüyün toy mərasimi 6 yanvar 1749-cu ildə İstanbulda baş tutdu. Nigahın ardından vəzirliklə Saloniki valisi təyin edildi və ard-arda təyinatlarla Rumelidəki müxtəlif əyalətlərdə xidmət etdi. 1751-ci ilin fevralında Hotin, 1752-ci ilin martında Vidin, 1753-cü ilin mayında Belqrad, 1754-cü ilin martında yenidən Saloniki sancaqbəyi oldu. 1756-cı ildə xanımının vəfatından sonra gözdən düşdü. Son təyinat yeri olan Adanadan gələn şikayətlər üzərinə vəzifədən alınaraq vəzirliyi əlindən alındı.

Məərrət ən-Nöman (ərəb. معرة النعمان‎) — Suriyada şəhər, İdlib mühafazasında eyniadlı məntəqə və nahiyənin inzibati mərkəzi. 2004–cü il siyahıyaalınmasına əsasən şəhərin əhalisi 58.008 nəfərdir.

Numansiya (lat. Numantia, isp. Numancia) — İspaniyada kelt tayfası arevakların yaşayış yerində meydana gəlmiş qədim iberlərə məxsus məskən. XIX əsrin ikinci yarısı və 1905-1923-cü illərdə aparılan qazıntılar zamanı Numansiya ərazisində erkən tunc dövründən başlayan həyat izləri tapılmışdır. E.ə. VI–V əsrlərdə daş divarla əhatələnmişdir. Numansiyadan romalıların istehkam tikililəri və düşərgələrinin qalıqları, məişət materialları (xüsusilə naxışlı keramika) və s. də aşkar edilmişdir. Rafael Trevino "Rome's Enemies 4: Spanish Armies 218 BC – 19 BC", Osprey Military, Man-at-arms Series 180, 1992, ISBN 0-85045-701-7 James Grout: 'Numantia,' part of the Encyclopædia Romana Photo of a reconstructed Celtiberian house at Numantia (isp.) Information about the current threat to Numantia accessed September 2008 (isp.) Nuevo Cerco a Numancia (isp.) * Olga Latorre: Nuane Numantia: Archaeology and History Arxivləşdirilib 2019-04-29 at the Wayback Machine, multimedia book edited by José María Luzón and María del Carmen Alonso. Texts by Alfredo Jimeno Martínez.