DANLAQ Ana məzəmməti, ata danlağı; Ancaq məhəbbətdir, ancaq məhəbbət! (B.Vahabzadə); QINAQ Qorxmamışam dost görünən düşmənlərin qınağından (R.Rza); MƏZƏMMƏT Uşaqlara Xudayar bəyin məzəmməti tük qədər də kar eləmədi (C.Məmmədquluzadə); SƏRKİ Özüm də bilmirəm nədir günahım; Başıma yer-göydən sərkilər yağır (S.Rüstəm); SƏRZƏNİŞ Məmməd bəy Ağabəyimin sərzənişinin mənasını anladı... (Çəmənzəminli); TƏNBEH Pərişan pis bir tənbeh eşidəcəyi duyğusu ilə anasının qoluna qısıldı (M.İbrahimov); TÖHMƏT, TƏNƏ [Səfa:] Siz məni el tənəsindən, dost-aşna töhmətindən, ana bədgümanlığından qurtardınız (Ə.Qasımov).