NAQQALLIQ (yersiz danışıq, uzun danışıq); BOŞBOĞAZLIQ [Dilarə:] Sənin bir əbləh prinsiplərin, bütün sənin bu boşboğazlığın – nə bilim düzgünlük buradan gəldi, ədalət oradan getdi.. (Anar); ÇƏRƏNÇİLİK Paşa bəy Fərruxa: ..daha çərənçiliklə məşğul olma (Ə.Vəliyev); FÜZULLUQ Məstəli: Füzulluğu burax, Ovları götürmək lazımdır (S.Rəhimov); UZUNÇULUQ Lakin Firəngizin bircə baxışı əyləşənlərin canını onun uzunçuluğundan qurtardı (B.Bayramov); ZƏVZƏKLİK “Yalançı xəstəni buraxın” deyə; Yaman qəzəbləndi bu zəvzəkliyə (B.Vahabzadə); AĞZIGÖYÇƏKLİK (dan.), AĞZIQƏŞƏNGLİK (dan.), ƏNGİBOŞLUQ (dan.).