SƏRXOŞLUQ Saqiya, mən ta əzəldən düşmənəm sərxoşluğa; Mey içib uçmaq nədir bilməz bu könül boşluğa (S.Rüstəm); BƏDMƏSTLİK Kim bilsin dünyada minlərcə məxluq bədməstlik mərəzindən qurtara bilməyib.. (C.Məmmədquluzadə); KEFLİLİK Pristav Əlinin kefliliyini görüb, onu söyüb-saydıqdan sonra Cavda tərəf yönəldi (Çəmənzəminli); MƏSTLİK Məstlikdir səbəbi-hürməti ger səhbanım (S.Ə.Şirvani); SƏRMƏSTLİK.
Sərxoşluq
Alkoqolizm — spirtli içkilərin istifadəsi nəticəsində yaranmış və xroniki intoksikasiya doğuran, spirtli içkilərdən psixi və (və ya) fiziki asılılıqla, habelə digər mənfi tibbi–sosial nəticələrlə ifadə olunan xəstəlikdir.
== Ümumi məlumat ==
Ümumdünya Səhiyyə Təşkilatı alkoqol asılılığı diaqnozunun təyin olunmasının 6 meyarını müəyyənləşdirilib. Əsas və ilk meyar insanın içki qəbuluna nəzarət edə bilməməsidir. İkinci meyara görə, insan içki qəbul etmək istəyi hiss edir. Bu istək özünü həm açıq şəkildə büruzə verə, həm də gərginliyin aradan qaldırılması, istirahət bəhanəsi altında gizlənə bilər. Bu istək nəticəsində insan öz ailəsini, qanunları və sosial davranış normalarını unudur. Üçüncü əlamət isə orqanizmin spirtli içkiyə asanlıqla "dözməsi"dir. Əgər insan üç şüşə araq içsə və sərxoş olmaması ilə öyünürsə, bu, təhlükəli sindromdur. Məsələ burasındadır ki, orqanizm son gücünə qədər qana daxil olan etil spirtini emal etməyə çalışır, amma gec və ya tez son mərhələ çatır və mexanizm pozulur. Nəticədə alkoqol əqli zəifliyə səbəb olur.