Cakao boğazı

Cakao boğazı — Sakit okeanın Karonados və Ankud körfəzlərini birləşdirir. Ciloe adasını materikdən (Çili)^[1] ayırır. Parqua şəhəri və materik arasında bərə fəaliyyət göstərir. Boğazın uzunluğu 26 km-ə yaxındır, eni 1,852 (şərq), 4,65 km (qərb) təşkil edir. Sahilləri uca və sıldırımlıdır. Ölkənin 200 illiyi münasibət ilə əlaqədar körpü (2635) inşa edilməsi planlaşdırılır.

Cakao boğazı
isp. Canal de Chacao
Ümumi məlumatlar
Eni	minimum 4,65 km
Uzunluğu	26 km
Yerləşməsi
41°46′01″ c. e. 73°52′10″ q. u.
Ölkə	Çili
Akvatoriyası	Sakit okean
Ayırır	Ciloe adasını materikdən
Cakao boğazı
Vikianbarda əlaqəli mediafayllar

Boğazın dərinliyi çox iri gəmilərin fəaliyyətinə imkan verir. Fevral-aprel ayları ərazidə güclü dumanlar müşahidə edilir. Güclü axınlarda naviqasiyaya müəyyən maneələr törədir. Boğaz daxilində Donya-Sebastyan, Korinos və Lakao adaları vardır. Axınların sürəti 3–5 km/s-a çatır. Boğaz daxilində Liberiyaya məxsus olan batmış Andros Koral gəmisinin gövdəsi görünür.

1553-cü ildə ispan donanmasının zabiti Fransisko de Uloa ilk dəfə boğazdan keçmişdir. 1567-ci ildə ərazidə ilk liman olan San-Antonio-de-Cakao inşa edilir. 1602-ci ildə Migel, 1603-cü ildə isə San-Antonio hərbi şəhərcikləri salınır. Bir müddət sonra yeni-yeni koloniyalar inşa edilir.

1. ↑ Çili xəritəsi, QUQK 1986 il