1. Havadan qar, yağış, dolu kimi şeylər düşmək, tökülmək. Qar yağmaq. Dolu yağmaq.
– Havalar gözəl keçirdi, teztez yağış yağırdı.
2. Çox miqdarda, arası kəsilmədən tökülmək.
Biz şəhərə girdiyimiz zaman şiddətli xəzri əsir, küçələrin tozunu havaya sovurur, göydən başımıza torpaq yağırdı.
// məc. Bir şeyin çoxluğunu, şiddətini, davamlılığını bildirir.
Üsyançılar qalib gələn kimi bizim olduğumu bu evə yağan güllələrin sayı-hesabı olmayırdı.
Göydən yerə zülm yağır; Çörək baha, vergi ağır.
// Bir şeyin bolluğunu bildirir.
□ Bərəkət yağmaq – bolluq olmaq, artmaq, çoxalmaq. Şəms padşaha dua-səna edib xəzinənin üstünə gəldi, açarları alıb işə başladı.
Onun vaxtında xəzinənin üstünə gündən-günə bərəkət yağdı. ().
3. məc. dan. Bir şeyi ifadə etmək. Onun üzündən biclik yağır. Sifətindən nur yağır.
– Yağır gözlərindən odlu ildırım; Görməmişdi Qozluq belə bir qırım.
Hüzn və ciddiyyət yağan çöhrəni bir anda ilıq bir məmnuniyyət ifadəsi qapladı.
Kəsalət yağan vücudunun tərsinə olaraq çox cəld və quş kimi yüngül hərəkət edən ruznaməçi İranpərəst tez qaçıb portfelini gətirdi.