(Ağdam, Bakı, Bərdə, Kürdəmir, Şamaxı, Şuşa, Zəngilan)
beş xırda daşla oynanılan uşaq oyunu adı. – Beşdaş oynemegdən bormağımuzun başı yara olıb (Bakı); – A qızlar, gəlin gedəx’ beşdaş oynuyax (Bərdə); – Uşax kimi beşdaş oynuyur yekə kişi (Şuşa)
Beşdaş
Beşdaş (Qərcimədaş) - Azərbaycanda ən çox yazqabağı (bayramqabağı) günlərdə, eləcə də digər mövsümlərdə uşaq və gənclər arasında geniş şəkildə oynanılan qədim oyun.
== Oyunun quruluşu ==
Bu oyunu iki və ya dörd uşaq oynayır. Hər uşaq beş balaca daş hazırlayır. Qurrə (çöp) atıb oyuna başlayırlar. Oyuna başlayan daşın birini əlində saxlamalıdır ki, buna saqqa deyərlər. Saqqanı göyə tullayıb ovucunun içində olan daşları yerə tökməli, saqqanı göydə tutmalıdır. Əvvəl saqqanı yuxarı tullamaqla daşları bir-bir ovucuna yığmalıdır. Əsas şərt ondan ibarətdir ki, daş götürülərkən nə başqa daşa dəyməli, nə də saqqa yerə düşməlidir. İki əllə götürmək və saqqanı tutmaq olmaz.
Daşları bir-bir götürüb qurtarandan sonra yerə tökməli, yuxarıdakı şərtlərə əməl etmədən daşlərı yerdən iki-iki, sonra üçünü birdən, birini tək, sonra dördünü də birdən götürməlidir.
