1. Əlinə almaq, əlinə alıb qaldırmaq.
[Xanməmməd] yaşıl çuxasının qollarını çiyninə atıb, … heç bir təklif olmadan süfrədən halva götürüb ağzına qoydu.
[Adil:] Təndirdən yenicə çıxmış isti çörəkləri götürüb alverə yollandım.
Əziz çamadanı götürüb pilləkənlərlə yuxarı qalxdı.
// Qaldırmaq.
Ayaqlarının birini götürüb o birini qoyur.
Fətulla … başını yastıqdan götürməyə, dirsəklənməyə çalışdı.
2. Dəfn etmək üçün aparmaq, qaldırmaq (cənazə haqqında). Cənazəni götürmək.
– Qərib öldü, götürün; Dar küçədən ötürün; Qəribin vay xəbərin; Anasına yetirin. ().
3. Özü ilə bərabər aparmaq, yanınca aparmaq.
– [Kərbəlayı Nənəxanıma:] Mən palazı satım, sən də sabah məşşatəni tap, götür, get qız axtarmağa.
Müəllim ehtiyat üçün məktəb xidmətçisi Mahmud əmini də götürdü.
[Məzlum:] Həyat fırtınası məni yad torpaqlara götürüb çıxarmışsa, özüm də ağciyər olmuşam…
4. Öz tərkibinə almaq, qəbul etmək, daxil etmək.
Rəşid oğlana üz tutdu: – Səni qulluğa götürmək mənim boynuma.
Əbili uşaq evinə götürdülər.
5. Qavramaq, yadda saxlamaq, öyrənmək, mənimsəmək.
Ülkərlə Səttar çox zehinli uşaq idilər, müəllim dediyi sözləri əlbəəl götürüb tutuquşu kimi rəvan eləyirdilər. ().
On üçümdə məclislərdə oturdum; On dördümdə hər nə varsa götürdüm.
6. Əldə etmək, məhsul almaq. Bol məhsul götürmək.
7. Hər tərəfə yayılmaq, bürümək, basmaq, yayılmaq, qaplamaq, sarmaq.
Qəflətən bir qorxulu səs meşəni götürdü… Faytonçu dedi: – Qorxma, xanım, bayquşdur ulayır.
Qədim dayı küncə çəkilib, xurcunu başının altına qoydu, bir azdan xorultusu çayxananı götürdü.
Həyəti götürən soğan, qovurma, zəfəran iyi adamı valeh edirdi.
8. Nəzərə almaq, misal çəkmək, nümunə gətirmək (bu mənada adətən “götürək” şəklində işlənir).
[Süleyman:] Məsələn, götürək, bizim cavan tacirimiz Əsgəri…
9. Xərc tələb olunmaq, sərf olunmaq; xərclənmək, başa gəlmək. Kostyum 60 manat götürdü.
– [Möhsünzadə:] Bir iyirmi manat da uşaqların və Mehribanın əyni-başı götürər.
[Böyük oğlu:] Üç manat [doktora] verdim, iki manat on altı qəpik də dərmanları götürdü.
10. Başlamaq, şüru etmək, ibtidasını qoymaq.
11. Hirsləndirmək, əsəbiləşdirmək, qızışdırmaq, bərk təsir etmək. Təklifim onu götürdü.
– Söz Hacı Manafı götürmüşdü.
Qızın sözü Nərgizi bərk götürdü.
12. Əxz etmək, almaq. Mövzunu folklordan götürmək. Fikri başqasından götürmək. Söz götürmək.
13. Dözmək, təhəmmül etmək, qəbul etmək. Söz götürmək.
14. Çıxarmaq (baş geyimləri haqqında] Papağı götürmək. Oğlan şlyapasını götürdü.
15. Yemək, dadmaq. Kababdan bir tikə götürdü.
16. Bir sıra isimlərə qoşularaq mürəkkəb feil və müxtəlif ifadələr düzəldir; məs.: od götürmək, əl götürmək, çimdik götürmək, boynuna götürmək.