1. Buludluluq, dumanlılıq; tutqun havanın, göyün vəziyyəti.
Göyün üzünü qar havasına məxsus bir tutqunluq bürümüş, şiddətli küləklə qar yağırdı.
Hər tərəf yaş, duman kimi boz bir tutqunluq içində idi.
2. Batqınlıq, batıqlıq, boğuqluq (səs haqqında).
Valentinanın səsində tutqunluq, yaxud da qondarma bir gümrahlıq duyulsa idi, bəlkə də sözləri bu üç-dörd nəfərdə əks-təsir oyadar( dı).
3. məc. Qəmlilik, kədərlilik, məyusluq, pərişanlıq, qəmginlik, pərtlik.
Gülyanağın indicə gülümsədiyinə baxmayaraq, sifətindəki tutqunluq, fikir-düşüncənin əksi hələ də qalırdı.
Əlikram daxili narazılığını və tutqunluğunu boğub örtülü saxladı.
4. məc. Bir şeydə aydınlığın olmaması; dumanlılıq, qeyri-müəyyənlik.
Çar konsulu beynəlxalq vəziyyətin tutqunluğunu hiss etdirməyə çalışırdı.
5. Tutqun şeyin halı; solğunluq. İşığın tutqunluğu. Rəngin tutqunluğu.