VADA

Cüniçi Vada (和田 純一) – 2020-ci ildən etibarən Yaponiyanın Azərbaycandakı fövqəladə və səlahiyyətli səfiri. Etimadnaməsini 2 sentyabr 2020-ci ildə Azərbaycan prezidenti İlham Əliyevə təqdim etmişdir. 2017–2020-ci illərdə səfir olmuş Teruyuki Katorini əvəz etmişdir. Tokio şəhərində anadan olmuşdur. 1986-cı ildə Tokio Universitetinin hüquq fakültəsindən məzun olmuş, daha sonra Yaponiya İqtisadiyyat, Ticarət və Sənaye Nazirliyinə daxil olmuşdur. 2019-cu ildə "Sompo Japan Insurance" şirkətində konsultant kimi fəaliyyət göstərmişdir.

Beniof zonası - Yerin litosfer qatından başlayaraq mantiya qatında davam edən zonadır. Yarıq müstəvilərinnin meyli okeanlardan qitələrə doğru olur. Beniof zonası çox dərin (600–700 km) fokslu zəlzələ ocaqları və aktiv vulkan fəaliyyəti ilə səciyyələnir. Bu zona üzrə subduksion proses baş verir, yəni okean qabığı plitələri qitə plitələri altına batır. Yerin quruluşu Geologiya terminlərinin izahlı lüğəti. Bakı: Nafta-Press. 2006. 679.

Aleksey Vadaturski (ukr. Вадатурський Олексій Опанасович; 8 sentyabr 1947, Bendzari[d], Odessa vilayəti – 31 iyul 2022, Mikolayev, Nikolayev vilayəti) — Kənd təsərrüfatı sahəsində ukraynalı sahibkar, Ukrayna Qəhrəmanı (2007). == Bioqrafiya == 1947-ci il sentyabrın 8-də Ukrayna SSR, Odessa vilayəti, Baltski rayonunun Bendzari kəndində kolxozçu ailəsində anadan olub. 1971-ci ildə Lomonosov adına Odessa Texnoloji İnstitutunu bitirib. Əmək fəaliyyətinə "Trikratski" çörək zavodunda baş energetik kimi başlayıb, sonra baş mühəndis vəzifəsində çalışıb. 1980-ci ildən 1991-ci ilə qədər istehsal şöbəsinin müdiri, Nikolaev rayon çörək məhsulları idarəsinin rəis müavini olur. 1991-ci ildən xarici texnologiya və yüksək məhsuldar xaricdən gətirilən texnika ilə məhsul yetişdirilməsi və heyvandarlığın inkişafı ilə məşğul olan "Nibulon" kənd təsərrüfatı müəssisəsinin daimi baş direktorudur. 2018-ci il noyabrın 1-də Rusiya 322 Ukrayna vətəndaşına, o cümlədən Aleksey Vadaturskiyə sanksiya tətbiq edib. 2020-ci ilin iyun ayında Forbes Ukraine jurnalı Vadaturskinin sərvətini 450 milyon dollar olaraq qiymətləndirir. 31 iyul 2022-ci ildə Aleksey Vadaturski və həyat yoldaşı Nikolayevin kütləvi atəşə tutulması zamanı evlərinə Rusiya raketinin düşməsi nəticəsində həlak olur.

Vadaqaki Kenzo (和田垣 謙三, 30 avqust 1860, Hyoqo prefekturası – 18 iyul 1919) – Yaponiya kənd təsərrüfatı iqtisadçısı. == İlk illəri == 1860-cı ildə indiki Hyoqo prefekturasında doğulmuşdur. Ailəsi Toyooka klanına mənsub idi. Tokio Universitetindən məzun olmuş, Ernest Fenollosa və Ceyms Sammersin tələbəsi olmuşdur. Məzun olduqdan sonra təhsilinə İngiltərə və Almaniyada davam etmişdir. == Fəaliyyəti == Vadaqaki Tokio Universitetində hüquq üzrə mühazirələr vermiş, kənd təsərrüfatı professoru olmuşdur. Peşə təhsilinin inkişaf etdirilməsi istiqamətində fəaliyyət göstərmişdir. Tokio Kommersiya Məktəbi və Nihon Qızlar Kommersiya Məktəbinin direktoru olmuşdur. == İstinadlar == == Ədəbiyyat == The Japan Biographical Encyclopedia & Who's Who (ingiliscə) (II). Tokio: Rengo Press.