Mehmed Şərafəddin Əfəndi

Mehmed Şərafəddin Əfəndi (17 iyun 1904, İstanbul – 1966) — 31. Osmanlı sultanı Əbdülməcidin oğlu Süleyman Əfəndinin oğlu, Osmanlı şahzadəsi.

Mehmed Nizaməddin Əfəndi
Şəxsi məlumatlar
Doğum tarixi	17 iyun 1904
Doğum yeri	Fəriyə sarayı, İstanbul, Osmanlı imperiyası
Vəfat tarixi	1966
Vəfat yeri	Beyrut, Livan
Dəfn yeri	Süleymaniyyə təkyəsinin qəbiristanlığı, Dəməşq
Atası	Səlim Süleyman Əfəndi
Anası	Ayşə Tərzitər xanım
Həyat yoldaşları	Xədicə Şükriyə Sultan Fatma Səmahat xanım
Uşağı	Bəzmialəm Mübəccəl Sultan
Ailəsi	Osmanlı xanədanı

Şahzadə Şərafəddin Əfəndi 17 iyun 1904-cü ildə Fəriyə sarayında dünyaya gəldi. Atası Sultan Əbdülməcidin oğlu Süleyman Əfəndi, anası isə onun son xanımı Ayşə Tərzitər xanımdır. Atasının vəfatının ardından böyük bacısı Naciyə Sultan və əri Ənvər Paşanın himayəsində böyüdü. Ənvər Paşanın yönləndirməsiylə hərbi təhsil alan Şərafəddin Əfəndi bununla yanaşı digər dərslər də aldı. Daha sonra xəlifə Əbdülməcid Əfəndinin oğlu Fərrux Əfəndiylə birlikdə Vyanadakı hərb akademiyasına göndərildi. Ancaq Ənvər Paşanın istəyilə Şərafəddin Əfəndi Potsdamdakı alman hərbi məktəbinə göndərildi. 1918-ci ildə Osmanlı ordusunda ikinci leytenant rütbəsinə yüksəldi.

Şərafəddin Əfəndi hələ 19 yaşında ikən Sultan Əbdüləzizin nəvəsi (İzzəddin Əfəndinin qızı) Şükriyə Sultanla nigahlandı. Cütlüyün toy mərasimi 14 noyabr 1923-cü ildə Nişantaşı köşkündə baş tutdu. Ancaq cəmi bir neçə ay sonra - 3 mart 1924 tarixli TBMM qərarı ilə digər Osmanlı sülaləsi üzvləri kimi, Şərafəddin Əfəndi də ailəsiylə birlikdə sürgünə göndərildi. Sürgündəki ilk mənzil Paris şəhəri oldu. Ancaq bir il sonra cütlük Beyruta köçdü və 1927-ci ildə burada boşandılar. Cütlüyün bu nigahdan övladı olmadı.

Şərafəddin Əfəndinin ikinci evliliyi Fatma Səmahət xanımla (d. 8 oktyabr 1911, Beyrut - ö. 1973) 1928-ci ildə Beyrutda baş tutdu. Cütlüyün bu nigahdan Bəzmialəm Mübəccəl Sultan adlı bir qızı dünyaya gəldi. Ancaq cütlük 1956-cı ildə boşandı. 1966-cı ildə beyrutda vəfat edən Şərafəddin Əfəndinin cənazəsi Dəməşqə gətirilərək Süleymaniyyə təkyəsinin qəbiristanlığına dəfn edildi.

Bəzmialəm Mübəccəl Sultan (d. 10 may 1929, Beyrut - ö. 1 iyul 1993, İstanbul) — 1954-cü ilin dekabrında İlhan Baransel ilə evləndi. 1 övladı oldu.

• Çingiz Baransel (d. 1955) — Şənay Kiçik ilə evləndi. 1 övladı oldu.
  • Kaan Baransel (d. 1994)

• Adra, Jamil (2005). Genealogy of the Imperial Ottoman Family 2005. p. 32
• Bardakçı, Murat (2017). Neslishah: The Last Ottoman Princess. Oxford University Press. ISBN 978-9-774-16837-6
• Vâsıb, Ali; Osmanoğlu, Osman Selaheddin (2004). Bir şehzadenin hâtırâtı: vatan ve menfâda gördüklerim ve işittiklerim. Yapı Kredi Yayınları. YKY. p. 319. ISBN 978-975-08-0878-4
• Ünlü, Hasan (2019). Veliahd Yusuf İzzeddin Efendi (1857-1916) (Thesis). Mimar Sinan Fine Art University Institute of Social Sciences. p. 25