YELİZAR
Allah kömək etdi, Tanrı yardım etdi (Yəqin ki, addakı "zar" (sar) Günəş-Allah anlamındadır. Çünki yəhudi ruhanilərinin başlarına qoyduqları araqçın da Günəşin, dünyanın rəmzi hesab edilir).
Katolikos I Yelizar
Katolikos I Yelizar — Alban knyazlarından biri. Böyük alban hökdarı Cavanşirin vaxtında katolikosluq edib və altı il kürsüdə oturub. Moisey Kalankatlı onun haqqında yazır: "O, Şəki kilsə dairəsindən seçilmişdi. O, Mesrobun Kişdə gizlətdiyi Müqəddəs xaçı əldə etdi. Onun hissəciyini götürüb yüz iyirmi qızıl dehqan olan sandıqçaya qoyub üstündə "Bu Yelizara məxsusdur" sözlərini yazdırdı.