Plovun üstünə qoyulan xuruşu bildirir. Birinci (yəni aş sözü) “plov” mənasındadır. Qara komponenti isə qovurmaq sözünün təhrif olunmuş formasıdır. Deməli, aşqara etimoloji baxımdan “aş qovurması”, “aşa qarışdırılan” (plov üçün hazırlanmış qovurma) deməkdir. Burada qara sözünün rəng anlamı ilə əlaqəsi yoxdur, qatqarışıq sözündəki 2-ci komponentlə qohumdur. Deyim də olub: “aşa qatıqdır (qatılandır), dala qapaqdır (qoyun quyruğu)”. (Bəşir Əhmədov. Etimologiya lüğəti)