Erkək at. (“Koroğlu” dastanının lüğəti)
Hümmət Əlizadə nüsxəsində Qırata işarə ilə beygir sözü işlənir. Axtalanmış at mənasında da işlənir.
– Aşıq, deyirlər bəygirlərə yaxşı tərif deyirsən. Məndə olan bəygirlərdən heç bir paşada yoxdu. İndi götür sazını de, görüm, necə tərif deyirsən? (Paris nüsxəsi, 6-cı məclis)
*
– Paşa sağ olsun, mən həmişə Koroğluya saz çalıb oxuyardım, o da hər məclisimə bir çuval ağ pul, bir baş da bəygir verərdi. Bu dəfə o mənə bir çuval qara pul verib bəygirin adını da çəkmədi. Mən də ondan küsüb üz döndərdim. Burdan keçirdim, qoşunu görüb dayandım. Bəlkə, mənə bir bəygir verəsiniz, minib öz yurd-yuvama gedəm. (Paris nüsxəsi, 11-ci məclis)