1. Qocalmaq, qoca yaşlarına çatmaq (bəzən “qocalıb-qarımaq” şəklində işlənir).
…Bu qırx ildə də qarıdıqca onun [Ziba xanımın] qısqanclığı artıbdır.
Səni sevən cavan olur günbəgün; Qarımaz, qocalmaz, tərtəzə gedər.
Ey dünya, varmıdır səndə yarıyan; Ömür sürüb, çox qocalıb-qarıyan?
// məc. Qocalıb təcrübə qazanmaq.
2. Suda çox qalmaqdan qırış-qırış olmaq (dəri haqqında).
3. məh. Ciftləşmək (heyvan haqqında).
◊ Qoşa qarıyasan (qarıyasınız)! – ərlə arvada, yaxud yenicə evlənənlərə “birlikdə çox yaşayasınız!” mənasında xoş arzu bildirir.
[Zalxa:] Tarverdi, Pərzad ilə qoşa qarıyasan! Çoxlu oğul, qız görəsən!
Oğul fikri, qız arzusu, qoşa qarımaq; Xəyalından çıxmayırdı o xoşbaxtların.