1. Yaradılmaq, təşkil edilmək, meydana gətirilmək.
– [Almaz:] Bu gözəl çəmənləri, çiçəkləri, bu sərin suları, bu yeni qurulan aləmi qoyub ölmək olar?
// Tikilmək, bina edilmək, inşa edilmək, təsis edilmək. Sədd qurulmaq. Səngər qurulmaq. Zavod qurulmaq.
– Yenə axar çaylar üzrə dəmir körpü qurulacaq; Yenə sahil lampaları alışacaq çıraq-çıraq.
2. Əsaslandırılmaq. Planlar həqiqi imkanlar əsasında qurulmuşdur. Roman həyatdan alınma hadisələr üzərində qurulmuşdur.
3. Düzəldilmək, tərtib edilmək, hazırlanmaq, təşkil edilmək.
Danabaş kəndində üç yerdə matəm qurulubdur.
Həyətdə palaz döşənib samovar qurulmuşdu.
Bir yay axşamında Rübabəgilin böyük zalında toy məclisi qurulmuşdu.
4. Yayı, mexanizmi burularaq işə salınmaq. Saat axşamdan qurulmamışdır.
– Hacı Ağa, bağışlayasız, mənim alafranqa saatım günortadan-günortaya qurulur.