Dambulaq
Dambulaq — Azərbaycan Respublikasının Laçın rayonu Şəlvə kənd inzibati ərazi dairəsində kənd.[1]
| Dambulaq | |
|---|---|
| 39°51′25″ şm. e. 46°19′37″ ş. u. | |
| Ölkə | |
| Tarixi və coğrafiyası | |
| Saat qurşağı | |
|
| |
Tarixi[redaktə | mənbəni redaktə et]
Laçın rayonunun Şəlvə inzibati ərazi vahidində olan kənd Mıxtökən silsiləsinin yamacındadır. Oykonim eyniadlı bulağın adı ilə adlandırılmışdır. Bulağın adı isə dam (üstü örtülü, tikili) və bulaq (su obyekti termini) komponentlərindən düzəlib, "üstü bağlı bulaq", "üstündə tikili olan bulaq" deməkdir[2].
1992-ci ildə Ermənistan Silahlı Qüvvələri tərəfindən işğal edilib. 2020-ci ildə İkinci Qarabağ müharibəsi sonunda imzalanmış atəşkəs bəyanatına əsasən 1 dekabr 2020-ci ildə Azərbaycan Silahlı Qüvvələri tərəfindən işğaldan azad olunub.
Mədəniyyəti[redaktə | mənbəni redaktə et]
Kənddə orta məktəb, mədəniyyət evi, kitabxana, tibb məntəqəsi, uşaq bağçası və mağaza əhaliyə xidmət göstərirdi.
Coğrafiyası və iqlimi[redaktə | mənbəni redaktə et]
Dambulaq kəndi Laçın rayonunun şimal hissəsində rayon mərkəzindən 72 km-lik bir məsafədə yerləşir. Dəniz səviyyəsindən 1800 metr yüksəklikdə yerləşən kənd, rayonun Şəlvə, İmanlar, Kaha, Oğuldərə, Zağaaltı və Qorçu kəndləri ilə həmsərhəddir.
Əhalisi[redaktə | mənbəni redaktə et]
2006-cı ilin statstikasına görə kəndin əhali sayı 500 nəfər olmuşdur.
Kənd əhalisinin milli tərkibi azərbaycan türkləri olmaqla ümumi sayı 786 nəfər 204 ailədən ibarətdir. (01 yanvar 2011-ci il tarixli məlumata əsasən)
İqtisadiyyatı[redaktə | mənbəni redaktə et]
Əsas təsərrüfatı heyvandarlıq, əkinçilik, bostançılıq və arıçılıqdan ibarət olmuşdur. Əhalinin istehsal etdiyi əsas məhsullar ət, yağ, pendir, yun, xalça, bal müxtəlif taxıl məhsullarından və tərəvəzlərdən ibarət idi.
İstinadlar[redaktə | mənbəni redaktə et]
- ↑ Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı" (PDF) (az.). stat.gov.az. 2019. 2020-04-16 tarixində arxivləşdirilib (PDF). İstifadə tarixi: 2020-04-16.
- ↑ Dambulaq // Azərbaycan toponimlərinin ensiklopedik lüğəti. I cild. Bakı: Şərq-Qərb. 2007. səh. 209. ISBN 978-9952-34-155-3.
|
Laçın rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
|
Kənd ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
