1. Bir şeyin ola bilməsi, baş verə bilməsi, mümkünlüyü. Onun bu gün gəlməyinə ehtimal azdır.
– Natəvandır ol, bu təklifə yoxdur ehtimal.
Əziz balalar!… Həmin bağlı otaqda 30-40 nəfər adam bir neçə vaxt davam edərsə, axırda bəzi azarlara mübtəla olub həlak olmaqlarına ehtimal var.
2. Ara söz mənasında (çox vaxt “ki” bağlayıcısı ilə) – ola bilsin ki, yəqin ki, mümkündür. Mən sizi 6-7 ay əvvəl, bir kişi ilə bərabər gəzən görərdim… [O] gözlərinə qara rəngli bir gözlük taxırdı.
Ehtimal ki, gözləri görməyirdi.
[Aydəmir:] …Fəqət, ehtimal ki, mən atdığım dəymişdir…
Ehtimal ki, o körpə heyvan balaca müsahibinin, onu yemləyib bəsləmək istəyən Baharın gəlməyini güman edib sevinmişdi.
3. Güman, təxmin, təsəvvür, fərziyyə.
Fəlakət zamanı ən kiçik bir ehtimal belə, insanın xəyalında min ümid oyadır.
□ Ehtimal etmək – mümkün hesab etmək, zənn etmək, güman etmək, təsəvvür etmək.
◊ Ehtimal nəzəriyyəsi – riyaziyyatın külli miqdarda təsadüfi hadisələrin qarşılıqlı təsirinə əsaslanan qanunauyğunluqlarını öyrənən şöbəsi.
Təsadüfi hadisələrin ehtimallarını öyrənən elmə ehtimal nəzəriyyəsi deyilir.
Hər (bir) ehtimala qarşı (görə) – mümkün ola biləcək, baş verə biləcək hadisəni, vəziyyəti və s.-ni nəzərə alaraq göz önündə tutmaq. Küçəyə çıxmaq lazım gəlirdi.
Buna görə də hər ehtimala qarşı tədbir görmək lazım idi.
