1. İki şeyin uclarını bir-birinə keçirmək, ilişdirmək, yaxud bir şeyi başqa bir şeyə keçirmək.
Kişi müştüyə taxmaq istədiyi papirosa sığal verirdi.
[Bəyim xala] …bağırsaq kimi çözələnən rezin borunun bir ucunu su kranına taxıb asfaltı yuyurdu.
// Sancmaq, ilişdirmək, keçirmək.
Mən bir yolçu olub yoldan keçərkən; Qoparıb köksümə taxardım səni.
Taxır sinəsinə güldən, çiçəkdən; Açır süfrəsini bulaq başında.
2. Keçirmək. Qolbaq taxmaq. Barmağına üzük taxmaq.
– [Suğra] güllü-çiçəkli krepdeşindən lap yeni dəblə tikilmiş uzun bir don, lak tufli geymiş, hətta sırğa da taxmışdı.
3. Bir şeyi bir şeyin üstünə qoymaq, bənd etmək, ilişdirmək.
Tahir sümük çərçivəli eynək taxmış ucaboy, buğdayısifət, qıvrımsaç alimi yaxşı xatırlayırdı.
Bəzən Lətif işini qurtarıb qəlibçilər şöbəsinə gəlir, gözlük taxmış gənc metaləridənlərə … sataşırdı.
4. dan. Əyninə, əlinə keçirmək, geymək.
Nəriman, sevinmiş kimi əlcəyi barmaqlarına taxdı.
[Çimnaz] …pambıqlı canlığını əyninə taxıb, qızına da … paltarını dəyişməyi təklif elədi.