Xudayar bəy qaşqabaq ilə cavab verdi.
□ Qaşqabağı açılmaq – üzündə fərəh əlaməti görünmək; açığı, hirsi soyuyaraq üzü açılmaq.
[Hacı Murad:] Bəs niyə heç qaşqabağın açılmır?
Qızın … üzündə qəzəb və hiddət bir anda silindi. Qaşqabağı açıldı.
Qaşqabağı yer altından (yer ilə) getmək – həddən artıq hirsli, acıqlı olmaq. Tükəzban qayət hirsli olaraq içəri daxil oldu.
Nədənsə ovqatı çox təlx idi; qaşqabağı yer altından gedirdi.
Qaşqabağını sallamaq (turşutmaq, tökmək) – qaşlarını çataraq və alnını qırışdıraraq, öz sifətinə acıqlı, yaxud narazı bir ifadə vermək.
Sözlərini qurtaran kimi Səməd yenə qaşqabağını sallayıb, sükuta gedərdi.
Bu dəmdə Məstan bəyin keçmiş nökəri çolaq Məcid daxil oldu, Məstan bəy qaşqabağını tökdü.
Qaşqabaq göstərmək – pis qarşılamaq, acıqlı qarşılamaq.
Şəksiz səninlə ədavəti var; Onunçun göstərir qaşqabaq sənə.