VİZUÁL

Vizual roman (ビジュアルノベル, Bijuaru noberu) — sabit qrafiklərə, anime stilinə, bəzən isə videometraja malik olan interaktiv videooyun. Adından bəlli olduğu kimi bu növ oyunlar romanın videooyun versiyasını xatırladır. Yaponiya terminologiyasında vizual romanlar ilə yapon macəra oyunları arasında fərqləndirmə qoyulub: vizual romanlar (NVL kimi ixtisar olunur) başlıca olaraq hekayələr üzərində qurulub, oyunçudan az qarşılıqlı təsir tələb edir. Yapon macəra oyunlarında (ADV və ya AVG kimi ixtisar olunur) isə əsas hədəf qarşıya qoyulan problemləri həll etməkdir. Digər ölkələrdə ADV və NVL-lər sadəcə "vizual roman" adlandırılır. Vizual romanlar Yaponiyada geniş yayılmışdır. 2006-cı ildə Yaponiyada istehsal olunmuş PC oyunlarının 70 %-ni vizual romanlar təşkil etmişdir. Vizual romanlar çox nadir hallarda videooyun konsolları üçün istehsal olunurlar. Amma populyar vizual romanlar bəzən Sega Saturn, Dreamcast, PlayStation Portable və Xbox 360 konsollarına uyğunlaşdırılır. Məşhur vizual romanlar əsasında adətən ranobe, manqa, anime adaptasiyaları hazırlanır.

Vizual analoji şkala (VAŞ) — sorğu anketlərində istifadə edilən subyektiv şkaladır. Tibbdə ağrının intensivliyin qeyd edilməsi üçün istifadə olunur.

Vizualizasiya (ing. Visualization) — məlumatların və konseptlərin vizual formatda təqdim edilməsi prosesidir. Bu, mürəkkəb məlumatların daha asan başa düşülməsi və analiz edilməsi üçün istifadə olunan bir yanaşmadır. Vizualizasiya, riyaziyyat, statistik, elm, mühəndislik, biznes və sosial elmlərdə geniş tətbiq sahəsinə malikdir. Vizualizasiya ilə bağlı əsas anlayışlar, metodlar və tətbiq sahələri mövcuddur. == Vizualizasiya növləri == Qrafiklər — məlumatların qrafik formatda (xət, sütun, dairə, histogram və s.) təqdim edilməsi. Bu qrafiklər məlumatların tendensiyalarını, müqayisələrini və dağılımlarını göstərir. Cədvəllər — məlumatların sistematik şəkildə, satır və sütunlar şəklində təqdim edilməsi. Cədvəllər məlumatların dəqiq və nizamlı görünməsi üçün istifadə olunur. İnfoqrafiklər — məlumatların və konseptlərin bir araya gətirildiyi vizual təqdimatlar.