1. Sərinlik üçün su tökmək, su axıtmaq, su çiləmək, su səpmək. Küçəni sulamaq. Meydançanı sulamaq.
– Hüseynəli əmi həyəti sulamaqda idi.
[Cəlil] dükanın qabağını süpürüb sulayardı.
// Məc. mənada.
…Xəzri haradansa buludları qovub gətirmiş, Bakını şiddətli və qısa yağışla sulayandan sonra, birdən xırp kəsilmişdi.
2. bax suvarmaq.
[İlyas Adiləyə:] Məndən başqa bir neçə oğlan uşağı da göl qırağında atını sulayırdı.
3. Dibinə su tökmək, su vermək. Ağacları sulamaq. Dibçəkləri sulamaq.
– Südabə axşam sərini düşəndə balaca bağçasındakı qırmızı gülləri sulayıb çarhovuz daşının üstündə oturmuşdu.
4. Yumşaltmaq üçün su çiləmək.
[Səriyyə:] …Nazik ağ yuxadan bir neçəsini sulayıb qoydum.