Rövnəq Abdullayev

Rövnəq İbrahim oğlu Abdullayev (3 aprel 1965[1], Naxçıvan) — Azərbaycan dövlət və siyasi xadimi, Azərbaycan Respublikasının İqtisadiyyat nazirinin müavini, Azərbaycan Respublikası Dövlət Neft Şirkətinin sabiq prezidenti (2005–2022), Azərbaycan Milli Məclisinin III, IV və V çağırış deputatı, Azərbaycan Futbol Federasiyaları Assosiasiyasının (AFFA) Prezidenti və Azərbaycan Cüdo Federasiyasının Sabiq Prezidenti (2015–2021).

Rövnəq Abdullayev
Rövnəq Abdullayev 2018-ci ildə.
Rövnəq Abdullayev 2018-ci ildə.
Vəzifədədir
10 fevral 2022-ci ildən
10 noyabr 2005 – 10 fevral 2022
ƏvvəlkiNatiq Əliyev
SonrakıRövşən Nəcəf
bayraq
Azərbaycan Milli Məclisinin
III, IV və V çağırış deputatı
bayraq2
6 noyabr 2005 – 23 dekabr 2019
Vəzifədədir
14 mart 2008-ci ildən
4 sentyar 2015 – 1 noyabr 2021
SonrakıRəşad Nəbiyev
Şəxsi məlumatlar
Doğum tarixi 3 aprel 1965(1965-04-03)[1] (58 yaş)
Doğum yeri
Partiya
Təhsili
Təltifləri "Şöhrət" ordeni
"Şəfəq" ordeni
"Şərəf" ordeni
Vikianbarın loqosu Vikianbarda əlaqəli mediafayllar

Həyatı[redaktə | mənbəni redaktə et]

Rövnəq İbrahim oğlu Abdullayev 1965-ci il aprelin 4-də Naxçıvan şəhərində anadan olub.[2]

Rövnəq Abdullayev 1982-ci ildə Azərbaycan İnşaat Mühəndisləri İnstitutuna daxil olub. 1983–1985-ci illərdə Sovet Ordusunda hərbi xidmətdə olan Rövnəq Abdullayev, 1985-ci ildə V. V. Kuybışev adına Moskva İnşaat Mühəndisləri İnstitutuna transfer olunub və 1989-cu ildə həmin institutu bitirib.[2]

Ailəsi[redaktə | mənbəni redaktə et]

Rövnəq Abdullayev Məlahət Əliyeva ilə ailəlidir, Rəşad adında oğlu, Sevinc adında qızı var.

Fəaliyyəti[redaktə | mənbəni redaktə et]

Rövnəq Abdullayev 1989–1997-ci illərdə "Neft Daşları" Neft-Qaz Çıxarma İdarəsi (NQÇİ) və "28 May" NQÇİ-də, habelə "Xəzərdənizneftqazinşaat" Trestinin inşaat-quraşdırma idarəsində şöbə rəisi, mühəndis və baş mühəndis vəzifələrində çalışıb.[2]

1997–2003-cü illərdə "Xəzərdənizneftqazinşaat" Trestinin müdiri vəzifəsində çalışan Rövnəq Abdullayev, 2003–2004-cü illərdə Heydər Əliyev adına Neft Emalı Zavodunun rəhbəri olub.[2]

2004-cü ildə "Neftçi" Futbol Klubunun Prezidenti seçilən Rövnəq Abdullayev, 2005-ci il noyabrın 6-da baş tutan Azərbaycan Milli Məclisinə III çağırış seçimlərə qatılıb. 24 saylı Nizami 1-ci dairəsindən Yeni Azərbaycan Partiyasının namizədi olan Rövnəq Abdullayev, seçimdə qalibi gəldi və Milli Məclisin üzvü oldu.[2]

Azərbaycan Prezidenti İlham Əliyevin 10 noyabr 2005-ci il tarixli 1147 nömrəli Sərəncamı ilə Rövnəq Abdullayev, ARDNŞ Prezidenti vəzifəsinə təyin edilib.[2]

2008-ci il martın 14-də 4 il müddətinə Azərbaycan Futbol Federasiyaları Assosiasiyasının (AFFA) Prezidenti seçilən Rövnəq Abdullayev, Neftçi FK-nın Prezidenti vəzifəsindən istefa verdi.[2][3]

Rövnəq Abdullayev 2010-cu il noyabrın 7-də baş tutan Azərbaycan Milli Məclisinə IV çağırış seçimlərədə qatılıb. 24 saylı Nizami 1-ci dairəsindən Yeni Azərbaycan Partiyasının namizədi olan Rövnəq Abdullayev, yenə seçimdə qalibi gəldi.[2]

2012-ci il martın 10-da Rövnəq Abdullayev növbəti dəfə 4 il müddətinə Azərbaycan Futbol Federasiyaları Assosiasiyasının (AFFA) Prezidenti seçilib.[4]

2015-ci il sentyabrın 4-də isə Azərbaycan Cüdo Federasiyasının (ACF) Prezidenti seçilən Rövnəq Abdullayev, 2015-ci il noyabrın 1-də baş tutan Azərbaycan Milli Məclisinə V çağırış seçimlərədə qatıldı. 24 saylı Nizami 1-ci dairəsindən Yeni Azərbaycan Partiyasının namizədi olan Rövnəq Abdullayev, üçüncü dəfə seçimdə qalibi gəlib.[2]

2016-cı il martın 11-də Rövnəq Abdullayev üçüncü dəfə 4 il müddətinə Azərbaycan Futbol Federasiyaları Assosiasiyasının (AFFA) Prezidenti seçilib.[5] Rövnəq Abdullayev 2020-ci ilin dekabr ayından etibarən SOCAR Türkiyə ilə yanaşı, şirkətin törəmə müəssisələri olan "Petkim" və STAR NEZ-in İdarə Heyəti sədri vəzifələrini icra etməyə başlayıb.[6]

Prezident İlham Əliyev sərəncamı ilə 2022-ci il fevralın 10-da Rövnəq Abdullayev Azərbaycan Respublikası Dövlət Neft Şirkətinin prezidenti vəzifəsindən azad edilib. Prezidentin digər sərəncamı ilə Rövnəq İbrahim oğlu Abdullayev Azərbaycan Respublikası iqtisadiyyat nazirinin müavini təyin edilib.[7]

Təltifləri[redaktə | mənbəni redaktə et]

Sıra
Təltif
1.
"Şöhrət" ordeni Azərbaycan Azərbaycan
2.
"Şərəf" ordeni Gürcüstan Gürcüstan

İstinadlar[redaktə | mənbəni redaktə et]

  1. ↑ 1 2 Davos 2014 Participant List.
  2. ↑ 1 2 3 4 5 6 7 8 9 "ARDNŞ-nin rəsmi internet səhifəsində Rövnəq Abdullayevin səhifəsi" (az.). www.socar.az (ARDNŞ-nin rəsmi internet səhifəsi). 28 iyun 2019 tarixində arxivləşdirilib. İstifadə tarixi: 28 iyun 2019.
  3. ↑ "Rövnəq Abdullayev AFFA-nın Prezidenti seçildi" (az.). Azərbaycan Dövlət İnformasiya Agentliyi. 2022-01-23 tarixində arxivləşdirilib. İstifadə tarixi: 14 mart 2008.
  4. ↑ "Rövnəq Abdullayev növbəti dəfə AFFA-nın Prezidenti seçildi" (az.). Modern İnformasiya Agentliyi. 2019-06-27 tarixində arxivləşdirilib. İstifadə tarixi: 10 mart 2012.
  5. ↑ "Rövnəq Abdullayev növbəti dəfə AFFA Prezidenti seçildi" (az.). Trend İnformasiya Agentliyi. 2021-05-11 tarixində arxivləşdirilib. İstifadə tarixi: 11 mart 2016.
  6. ↑ Abdullayev "SOCAR Türkiyə"nin İdarə Heyətinin sədri oldu
  7. ↑ "Rövnəq Abdullayev iqtisadiyyat nazirinin müavini təyin edilib". 2022-02-10 tarixində arxivləşdirilib. İstifadə tarixi: 2022-02-10.